‘సెక్యులర్‌’ పదం తొలగింపు వ్యాఖ్యలపై మోదీ, అమిత్‌షా సమాధానం చెప్పాలి: జి.నిరంజన్‌

హైదరాబాద్‌, న్యూస్‌టుడే: భాజపా మళ్లీ అధికారంలోకి వస్తే రాజ్యాంగంలోని ‘సెక్యులర్‌’ పదాన్ని తొలగిస్తామని ఆ పార్టీ జాతీయ ప్రధాన కార్యదర్శి దుష్యంత్‌కుమార్‌ చేసిన వ్యాఖ్యలపై ప్రధాని మోదీ, కేంద్ర హోంమంత్రి అమిత్‌షాలు సమాధానం చెప్పాలని పీసీసీ సీనియర్‌ ఉపాధ్యక్షుడు జి.నిరంజన్‌ డిమాండ్‌ చేశారు. ఆయన శనివారం గాంధీభవన్‌లో విలేకరుల సమావేశంలో మాట్లాడారు. ‘సెక్యులర్‌’ భావాలతో పని చేసేది కేవలం కాంగ్రెస్‌ పార్టీ మాత్రమేనన్నారు. రాయ్‌బరేలీలో రాహుల్‌గాంధీ నామినేషన్‌ వేస్తే..ఆయనను ఉద్దేశించి మోదీ ‘డరోమత్‌, భాగో మత్‌’ అనడం ఎన్నికల కోడ్‌ ఉల్లంఘనే అవుతుందన్నారు. ఇప్పటికే మోదీపై ఐదుసార్లు ఫిర్యాదు చేసినా ఈసీ ఎలాంటి చర్యలు తీసుకోలేదని ఆయన అసంతృప్తి వ్యక్తం చేశారు.