క్యాన్సర్‌ను పట్టించిన యాపిల్‌ వాచ్‌

యాపిల్‌ వాచ్‌ కేవలం పరికరంగానే కాదు. ప్రాణాలను కాపాడే సాధనంగానూ ఉపయోగపడుతోంది. తాజాగా అమెరికాకు చెందిన ఇమానీ అనే అమ్మాయిలో అరుదైన క్యాన్సర్‌ను గుర్తించేలా చేసి, అబ్బుర పరిచింది. గుండె వేగాన్ని తెలిపే నోటిఫికేషన్‌ ఫీచర్‌ సాయంతో దీన్ని సాధించింది. ఆ అమ్మాయి ధరించిన యాపిల్‌ వాచ్‌ ఆగకుండా బీప్‌మని శబ్దం చేస్తూ.. గుండె వేగం సరిగా లేదని ఆమె తల్లికి హెచ్చరిక పంపించింది. వెంటనే ఆసుపత్రికి తీసుకెళ్లగా అపెండిక్స్‌లో కణితి ఉన్నట్టు బయటపడింది. పిల్లల్లో ఇలాంటిది అరుదు. దాన్ని సర్జరీ చేసి తొలగించాల్సి ఉంటుందని డాక్టర్లు నిర్ణయించారు.