ఆండ్రాయిడ్‌లో యూట్యూబ్‌ కొత్తగా

గూగుల్‌ సంస్థ ఆండ్రాయిడ్‌ టీవీల్లో యూట్యూబ్‌ యాప్‌ను అప్‌డేట్‌ చేయటం మొదలెట్టింది. దీంతో మెటీరియల్‌ యూ థీమ్‌ను పోలిన కొత్త యూఐ డిజైన్‌ ప్లేయర్‌ అనుభం సొంతమవుతుంది. అంతేకాదు, చూస్తున్న వీడియోకు సంబంధించిన సమాచారాన్ని తెలుసుకో వటానికీ వీలుంటుంది. ఇంతకుముందు వీడియో శీర్షిక తెరకు ఎడమ వైపు మూలన కనిపించేది. తాజా అప్‌ డేట్‌తో ఇది మాత్ర ఆకారంలోని బాక్స్‌లో కనిపిస్తుంది. ఇందులో పేరుతో పాటు వీక్షణల సంఖ్య, పబ్లిష్‌ అయిన తేదీ కూడా ఉంటాయి. తెరకు ఎడమ మూలన ప్లేబ్యాక్‌ ప్రోగ్రెస్‌ బార్‌కు పైన ఈ బాక్స్‌ ఉంటుంది. ప్రోగ్రెస్‌ బార్‌ కింద వీడియో రికమెండేషన్లు ప్రత్యక్షమవుతాయి. వీడియోలో ఆయా భాగాలను వెతికేటప్పుడూ ఇవి మసక బాక్సుల మాదిరిగా కనిపిస్తాయి.