వ్యాసరచన విజేతలకు బహుమతి ప్రదానం

ఈనాడు, హైదరాబాద్‌: పోలీసు అమరవీరుల సంస్మరణ వారోత్సవాలను పురస్కరించుకుని గత నెల 21న నిర్వహించిన వ్యాసరచన పోటీ విజేతలకు డీజీపీ మహేందర్‌రెడ్డి నగదు బహుమతులు అందజేశారు. రాష్ట్రవ్యాప్తంగా ఎస్సై, ఆ పైస్థాయి అధికారులకు, కిందిస్థాయి సిబ్బందికి వేర్వేరుగా వ్యాసరచన పోటీలు నిర్వహించారు. సోమవారం డీజీపీ కార్యాలయంలో జరిగిన కార్యక్రమంలో.. విజేతలకు ప్రథమ బహుమతిగా రూ.20 వేలు, ద్వితీయ బహుమతిగా రూ.15 వేలు, తృతీయ బహుమతిగా రూ.10 వేల చొప్పున అందజేశారు. ఈ కార్యక్రమంలో అదనపు డీజీలు గోవింద్‌సింగ్‌, జితేంద్ర, శివధర్‌రెడ్డి, అభిలాషబిస్త్‌, నాగిరెడ్డి, విజయ్‌కుమార్‌ తదితరులు పాల్గొన్నారు.

ఎస్సై పైస్థాయిలో విజేతలు

1. కె.అశోక్‌కుమార్‌, ఏఎల్‌ఐ (పీటీసీ-వరంగల్‌)- ప్రథమ

2. సునీత మోహన్‌, అదనపు ఎస్పీ (పీటీసీ-కరీంనగర్‌)- ద్వితీయ

3. ఎల్‌.స్రవంతి, ఆర్‌.ఎస్‌.ఐ., (సీఏఆర్‌ హెడ్‌క్వార్టర్స్‌-నిజామాబాద్‌) తృతీయ

కిందిస్థాయి..

1. ఎ.రాజేశ్‌, (కానిస్టేబుల్‌-బెల్లంపల్లిటౌన్‌ పీఎస్‌)- ప్రథమ

2. పి.అరుణకుమారి, (మహిళా కానిస్టేబుల్‌-సదాశివపేట పీఎస్‌)- ద్వితీయ

3. టి.సంపత్‌, (కానిస్టేబుల్‌-కాళేశ్వరం పీఎస్‌) తృతీయ