ఎస్డీడీజీడబ్ల్యూటీటీఐలో ప్రవేశాలకు దరఖాస్తుల ఆహ్వానం

ఎదులాపురం: మహిళా, శిశు సంక్షేమ శాఖ ఆధ్వర్యంలో హైదరాబాద్‌లోని శ్రీమతి దుర్గాబాయి దేశ్‌ముఖ్ గవర్నమెంట్ ఉమెన్స్ టెక్నికల్ ట్రైనింగ్ ఇనిస్టిట్యూట్‌లో ప్రవేశాలకు దరఖాస్తులు ఆహ్వానించారు. అర్హులైన అనాథ, నిస్సహాయులైన జిల్లాకు చెందిన పదవ తరగతి ఉత్తీర్ణులైన బాలికలు దరఖాస్తులు చేసుకోవాలని జిల్లా బాలల పరిరక్షణ అధికారి రాజేంద్రప్రసాద్ తెలిపారు. డిప్లొమా ఇన్ సివిల్ ఇంజినీరింగ్, ఎలక్ట్రికల్ అండ్ ఎలక్ట్రానిక్స్ ఇంజినీరింగ్, కంప్యూటర్ ఇంజనీరింగ్ ఎలక్ట్రానిక్ అండ్ కమ్యూనికేషన్ కోర్సుల్లో ప్రవేశాలకు దరఖాస్తులు ఆహ్వానిస్తున్నట్లు ఆయన పేర్కొన్నారు. మే 25వ తేదీలోపు అర్హులైన బాలికలు తమ దరఖాస్తులను జిల్లా కేంద్రంలోని విద్యానగర్లో ఉన్న బాల రక్షక్ భవన్లో అందించాలని సూచించారు.