28న ఆదివాసీ సంఘాల రౌండ్ టేబుల్ సమావేశం

ఎదులాపురం: ఆదివాసీ గిరిజనుల సమస్యలను చర్చించి, పరిష్కారం కోసం భవిష్యత్తు కార్యాచరణ రూపొందించుకోవటంపై ఈనెల 28న సీఐటీయూ కార్యాలయంలో రౌండ్ టేబుల్ సమావేశం నిర్వహించనున్నారు.  కేంద్ర ప్రభుత్వం గిరిజనుల పట్ల అవలంబిస్తున్న విధానం, తదితర అంశాలపై సమావేశం నిర్వహించనున్నట్టు ఆదివాసీ గిరిజన సంఘం జిల్లా అధ్యక్ష, ప్రధాన కార్యదర్శులు ఉయిక విష్ణు పూసం సచిన్ తెలిపారు. ‘కేంద్ర ప్రభుత్వ గిరిజన విధానాలు- ఆదివాసులపై ప్రభావం’ అనే అంశంపై సమావేశం నిర్వహించనున్నామన్నారు. జిల్లాలోని ఆదివాసీ సంఘాలు, పటేళ్లు, రాయి సెంటర్ల సార్ మేడిలు, ఆదివాసీ యువజన సంఘాల నాయకులు ఎక్కువ సంఖ్యలో పాల్గొని విజయవంతం చేయాలని పిలుపునిచ్చారు.