భాజపాతోనే తెలంగాణ అభివృద్ధి

కేంద్రమంత్రి వీరేంద్ర కుమార్‌

సమావేశంలో మాట్లాడుతున్న కేంద్ర మంత్రి వీరేంద్ర కుమార్‌, వేదికపై గంగాడి కృష్ణారెడ్డి, సుద్దాల దేవయ్య, బొడిగ శోభ

చొప్పదండి, న్యూస్‌టుడే: తెలంగాణలో భాజపా అధికారంలోకి వస్తేనే అభివృద్ధి సాధ్యవుతుందని కేంద్ర సామాజిక న్యాయ, సాధికారిత శాఖ మంత్రి వీరేంద్ర కుమార్‌ అన్నారు. సంపర్క్‌ అభియాన్‌ కార్యక్రమంలో భాగంగా గురువారం సాయంత్రం పట్టణంలోని జీఆర్‌ఆర్‌ గార్డెన్‌లో నియోజకవర్గ భాజపా నాయకులు, కార్యకర్తలతో నిర్వహించిన సమావేశంలో మాట్లాడారు. పేదల కోసం పనిచేసేది మోదీ ప్రభుత్వమన్నారు. ఎంతోమంది త్యాగాల ఫలితంగా ఏర్పడిన తెలంగాణలో యువకులకు సరైన న్యాయం జరగలేదని విమర్శించారు.కేవలం కేసీఆర్‌ కుటుంబమే లాభపడిందని ఎద్దేవా చేశారు. తెలంగాణలో అధికారమే లక్ష్యంగా పార్టీ కార్యకర్తలు సైనికుల్లా  కృషి చేయాలని కోరారు.  అనంతరం కొలిమికుంటలో దళిత కార్యకర్త ఇంట్లో భోజనం చేశారు.ఈ కార్యక్రమంలో పార్టీ జిల్లా అధ్యక్షుడు గంగాడి కృష్ణారెడ్డి, మాజీ మంత్రి సుద్దాల దేవయ్య, మాజీ ఎమ్మెల్యే బొడిగ శోభ, జిల్లా నాయకులు లక్ష్మినారాయణ, ప్రభాకర్‌ యాదవ్‌, శ్రీనివాస్‌గౌడ్‌, శంకర్‌, సత్యనారాయణ, కృష్ణారెడ్డి, సుదర్శన్‌రెడ్డి, కోటేష్‌, తిరుపతి, లింగయ్య, ప్రశాంత్‌ పాల్గొన్నారు.