నామినేషన్ల స్వీకరణకు ఏర్పాట్లు

భువనగిరి: భువనగిరి పార్లమెంట్ ఎన్నిక నోటిఫికేషన్ గురువారం జారీ చేయడంతో పాటు నామినేషన్లు స్వేకరించడం జరుగుతుందని జిల్లా ఎన్నికల అధికారి, కలెక్టర్ హనుమంత్ కె.జండగే తెలిపారు. బుధవారం కలెక్టరేట్‌లో ఏర్పాటు చేసిన విలేకర్ల సలమావేశంలో ఆయన మాట్లాడారు. 18 నుంచి 25వ తేదీ వరకు కలెక్టరేట్‌లోని రిటర్నింగ్ అధికారి కార్యాలయంలో నామినేషన్లు స్వీకరిస్తామని తెలిపారు. ఒక అభ్యర్థి గరిష్టంగా నాలుగు సెట్ల వరకు నామినేషన్ పత్రాలు దాఖలు చేయవచ్చన్నారు. అనంతరం కలెక్టరేటులో ఏర్పాటు చేసిన మీడియా సెంటరును ఆయన ప్రారంభించారు. సమావేశంలో అదనపు కలెక్టర్‌ పీ.బెన్ షాలోమ్ తదితరులు పాల్గొన్నారు.