The Kashmir Files: ది కశ్మీర్‌ ఫైల్స్‌.. సినిమా థియేటర్‌లో ఉద్రిక్తత

ఆదిలాబాద్‌ నేర విభాగం, న్యూస్‌టుడే : ఆదిలాబాద్‌ పట్టణంలోని నటరాజ్‌ థియేటర్‌లో శుక్రవారం ఉద్రిక్తత చోటు చేసుకుంది. ‘ది కశ్మీర్‌ ఫైల్స్‌’ సినిమా ప్రదర్శన సందర్భంగా ఇద్దరు వ్యక్తులు పాకిస్థాన్‌కు జై కొట్టడంతో ఈ పరిస్థితి తలెత్తింది. అనంతరం జైకొట్టిన వ్యక్తులపై ప్రేక్షకులు కొందరు దాడి చేయటంతో వారు పరారైనట్లు సమాచారం. విషయం తెలుసుకున్న పోలీసులు వెంటనే అక్కడకు వెళ్లి పరిస్థితిని అదుపు చేశారు. ఈ విషయమై పోలీసులను సంప్రదించగా మద్యం తాగిన మైకంలో మరో దేశానికి జైకొట్టిన అనంతరం పరారైనట్లుగా పేర్కొన్నారు. ఈ విషయమై పోలీసులు దర్యాప్తు కొనసాగిస్తున్నారు.