నా బ్రెయిన్లో 9 టైటానియం తీగలున్నాయి!
ఇప్పటికింకా ఆమె వయసు నిండా పదహారే.. తన అందం చూస్తూ పిచ్చెక్కిపోరా కుర్రాళ్లే.. ఐటెమ్ డ్యాన్సర్గా తన గ్లామర్తో సిల్వర్ స్ర్కీన్ని షేక్ చేసిన...
‘ఇప్పటికింకా నా వయసు నిండా పదహారే.. చీటికి మాటికి చేయేస్తూ చుట్టూ కుర్రాళ్లే’ అంటూ స్పెషల్ సాంగ్తో డ్యాన్సర్గా తన గ్లామర్తో సిల్వర్ స్ర్కీన్ని షేక్ చేసిన సెన్సేషనల్ బ్యూటీ ఆమె.. గుర్తింపున్న పాత్రల్లో కూడా నటించి యువ హృదయాల్లో కాకరేపిన హాటీ.. ఆమే కుర్రాళ్ల దిల్ఖా జాన్ ముమైత్ ఖాన్. ఆలీ వ్యాఖ్యాతగా ఈటీవీలో ప్రసారమయ్యే ‘ఆలీతో సరదాగా’ కార్యక్రమానికి విచ్చేసి తన ప్రయాణం ఎలా సాగింది.. ఎలాంటి ఇబ్బందులు ఎదుర్కొంది? ఇలా అనేక విషయాలను పంచుకుంది.
మీరు తెలుగు మాట్లాడతారా? అసలు ఎన్ని భాషలు వచ్చు.
ముమైత్: అవును.. మీకు తెలియదా నా గురించి (నవ్వులు). కొంచెం కొంచెం హిందీ, ఇంగ్లిష్.. ఇప్పుడు తెలుగు తెలుసు. తమిళ్ అర్థమవుతుంది. మా అమ్మ తమిళయన్. సౌత్ ఇండియన్ ముస్లిం. అమ్మ తరఫు కుటుంబం ఎక్కువగా తమిళ్లోనే మాట్లాడతారు. అలా కొద్దిగా తెలుసు.
అమ్మ చెన్నై.. మరి నాన్న?
ముమైత్: అది చెప్పాలంటే చాలా భయంగా ఉంది (నవ్వులు). నాన్న కుటుంబమంతా పాకిస్థాన్లో ఉండేది. మైగ్రేషన్ సమయంలో ఇండియాకు వచ్చారు.
మరి మీ తల్లిదండ్రులు ఎలా కలిశారు?
ముమైత్: ముంబయిలోని కుర్లా ప్రాంతంలో ఉన్నప్పుడు అమ్మానాన్న ఇరుగుపొరుగువాళ్లు. అలా పరిచయం ఏర్పడింది. కొన్నాళ్లకు వివాహం చేసుకున్నారు.
మీరు ఎంతమంది పిల్లలు?
ముమైత్: ఫస్ట్ అక్క. నాకంటే పది సంవత్సరాలు పెద్దది. తర్వాత మరో అక్క జబైన్ పుట్టింది. ఆ తర్వాత నేను.
‘పోకిరి’ తర్వాత మీకు ఏం అనిపించింది?
ముమైత్: నా 13 ఏళ్ల వయసులో బ్యాక్గ్రౌండ్ డ్యాన్సర్గా కెరీర్ మొదలుపెట్టా. ఆ స్థాయి నుంచి ఇంత దూరం వస్తానని ఎన్నడూ ఊహించలేదు. ‘నేను ఎప్పటికైనా గొప్ప డ్యాన్సర్ అవ్వాలి’ అని ఎప్పుడూ అనుకోలేదు. తెలిసిన పనిచేయడం, డబ్బులు తీసుకుని ఇంటికి వెళ్లడం. ఇదే నా ధ్యాస. నాకు పేరొస్తుందా? లేదా? అనే ఉద్దేశం లేదు. ‘పోకిరి’ అప్పుడు కూడా పనిచేశాను తప్ప ఫలితం ఏమవుతుందో పట్టించుకోలేదు. అలాగే పనిచేసుకుంటూ వెళ్లాను. నాకు 17 ఏళ్లు ఉండగానే ‘మున్నాభాయ్’ కోసం ఆడి పాడా. నాన్న మాత్రం ఒక్క మాట చెప్పారు. ‘చట్నీ రోటీబీ ఖాయేనా అప్నే ఘర్ కా రాజారాణి’ అదే నేను ఇప్పటికీ అనుసరిస్తున్నాను.
స్టార్ డ్యాన్సర్ అయిన తర్వాత గర్వం పెరిగిందనుకుంటున్నారా?
ముమైత్: లేదు (నవ్వులు). రాలేదు. నేను సాధారణ వ్యక్తిని. నా పర్సనాలిటీ చూసి పబ్లిక్ హే ముమైత్ ఖాన్ అంటారు కానీ లోపల అలా గర్వంగా ఉండలేను.
డ్యాన్స్ ఎక్కడ నేర్చుకున్నారు?
ముమైత్: నాకు చిన్నతనంలోనే టీవీలో చూసి డ్యాన్స్ చేయడం అలవాటు. 8వ తరగతి ఫెయిల్ (నవ్వులు). అప్పుడు అక్క ఇంటర్ ఫస్ట్ ఇయర్ చదువుతుంది. కాలేజీలో వేడుక ఉండటంతో కొరియోగ్రఫీ చేయాలని అడిగింది. సరే అన్నాను.
మీ గురువు ఎవరు?
ముమైత్: నా గురువు రెమో(ఏబీసీబీ చిత్ర దర్శకుడు). రెమో బ్యాక్గ్రౌండ్ డ్యాన్సర్గా ఉన్నప్పుడు ఓ షో చేశారు. ఆ కార్యక్రమానికి గర్ల్ డ్యాన్సర్లు కావాలి. అక్క కాలేజీలో నేను చేసిన డ్యాన్స్ చూసి సంప్రదించారు. అక్కా నేనూ వెళదామనుకున్నాం కానీ ఇంట్లో చెబితే అమ్మ కచ్చితంగా కొడుతుందనిపించింది. అప్పుడు ఇంట్లో ఆర్థికంగా సమస్యలు ఉండేవి. ‘పని చేసినందుకు డబ్బులిస్తారు ఆ తర్వాత టీవీలో కనిపిస్తాం’ అని నచ్చజెప్పాం. ‘ఈ ఒక్కసారికే వెళ్లండి. తర్వాత ఇంకెప్పుడు వద్దు. నాన్నకి తెలిస్తే తిడతారు’ అంది అమ్మ. సరే అని వెళ్లాం. నా తొలి సంపాదన రూ.750. ఆ మొత్తాన్ని అమ్మకే ఇచ్చేశా. నా కెరీర్ అలా మొదలైంది. బ్యాక్గ్రౌండ్ డ్యాన్సర్గా చేయాలంటే చాలా కష్టం. నటుల ముందు, వెనుక పొజిషన్ చాలా ముఖ్యమైంది. ఆ స్థానంలో నృత్యం చేయడం చాలా కష్టం. అది కరెక్ట్గా చేస్తే మంచి డ్యాన్సర్ అనిపించుకుంటారు. అలా ఆరు నెలల్లోనే నటుల ముందు వరసలో నిలబడే స్థానం సంపాదించుకున్నాం. రైట్లో నేను, లెఫ్ట్లో అక్క ఉండేది.
అదే సమయంలో ‘మున్నాభాయ్’ ఆడిషన్కి రమ్మన్నారు. నేను రానని చెప్పా. ఓసారి నేను రిహార్సిల్స్ చేస్తుంటే రాజ్కుమార్ హిరాణీ అసిస్టెంట్ సుమ వచ్చారు. అది పూర్తయ్యే వరకు ఆమె నాకోసం వేచి చూశారు. ‘సుమ.. నేను మంచి డ్యాన్సర్నని నాకు తెలుసు. కానీ, ఆడిషన్ నాకు తెలీదు’ అన్నాను. ‘అలా కాదు.. అర్థం చేసుకో’ అంది సుమ. ఆమె ఓ లొకేషన్కి తీసుకెళ్లింది. బ్లాక్ షార్ట్, సిల్వర్ టాప్ ఇచ్చారు. ‘ఇప్పుడేం చేయాలి’ అని అడిగాను. ఓ పాట వినిపించి డ్యాన్స్ చేయమన్నారు. వెంటనే చేశాను. మూడు రోజుల తర్వాత వాళ్ల నుంచి ఫోన్ వచ్చింది. మీరు ఎంపికయ్యారని! అది కూడా నాకు ఎగ్జైట్మెంట్ ఇవ్వలేదు. ఎందుకంటే అప్పుడు నాకు డబ్బే ప్రధానం (నవ్వులు). ఎంత డబ్బు వస్తుంది? ఇదే ఆలోచన. ఆ పాట చేసినందుకు రూ.30వేలు ఇచ్చారు.
తెరపై మీ గ్లామర్ చూసి కుటుంబ సభ్యులు, స్నేహితుల నుంచి ఎలాంటి స్పందన ఉండేది? పాజిటివ్గా తీసుకునేవారా, నెగిటివ్గానా?
ముమైత్: అంతా పాజిటివ్. నాకు స్నేహితులు లేరు, శత్రువులు లేరు ఎందుకంటే నేను కుటుంబానికే ఎక్కువ ప్రాధాన్యం ఇస్తాను. ఇతరులు ఏం చెప్తారు? ఏం చేస్తారు అనేది నేను పట్టించుకోను. నా గురించి ఎవరేమనుకున్నా నేను ఇదీ అని నా గురించి వాళ్లకు వివరించను. ఓ మనిషిగా నేనేంటో నాకు తెలుసు.
తలకు దెబ్బ తగిలిందట. అసలు ఏం జరిగింది?
ముమైత్: 2016లో జరిగింది అది. 2015లో బాలకృష్ణగారి ‘డిక్టేటర్’లో ఓ పాట చేశాను. ఆ చిత్రీకరణ డిసెంబరు 27న ముగిసింది. ఆ తర్వాత గోవాకి వెళ్లా. నాకు పుట్టిన రోజు, న్యూ ఇయర్ వేడుకలు జరుపుకోవడం ఇష్టం ఉండదు. కానీ, ఆ సమయంలో ఎందుకో అక్కడికి వెళ్లాలనిపించి అమ్మతో చెప్పి బయలుదేరాను. డిసెంబరు 29న తిరిగి ఇంటికి వచ్చేశాను. డిసెంబరు 31న ఇంట్లోనే ఉన్నాను. స్నానం చేసి వచ్చి, అద్దంలో చూసుకుంటుండగా ‘మేరే ఖ్వబాన్’ (దిల్వాలే దుల్హానియా జాయేంగే) పాట గుర్తొచ్చింది. అలా పరధ్యానంలో ఉండటంతో మార్బుల్ ఫ్లోర్పై జారిపడ్డాను. పక్కన ఉన్న మంచం కోణం నా తలకు తగిలి పెద్ద గాయమైంది. తర్వాత ఏమైందో కూడా నాకు తెలీదు లేచి చూస్తే ఆసుపత్రిలో ఉన్నాను. 15 రోజులు కోమాలో ఉన్నానట! అమ్మానాన్న చెప్పారు. తలకు సంబంధించిన ఐదు నరాలు డ్యామేజ్ అయ్యాయి. ఇలాంటి శస్త్ర చికిత్స పెద్ద వయసు వారికే ఎక్కువగా జరుగుతుంది. నాకు తెలిసి తక్కువ వయసులో ఈ ఆపరేషన్ జరిగిన వ్యక్తిని నేనే కావొచ్చు. ప్రస్తుతం నా బ్రెయిన్లో 9 టైటానియం తీగలున్నాయి. వైద్యులు నేను బతికేందుకు 20 శాతం మాత్రమే అవకాశం ఉందని చెప్పారు. అమ్మ బాగా ఏడ్చేసింది. నాకు ఆ సమయంలో అనిపించింది ఒక్కటే. ‘నేను ఏదైనా సాధించాలి’ చిత్ర పరిశ్రమలో ఉన్నా, లేకపోయినా. ఆపరేషన్ తర్వాత చాలా కష్టంగా అనిపించింది. డిప్రెషన్ ఉంటుందని డాక్టర్లు చెప్పారు. కానీ, నాకు విల్ పవర్ ఎక్కువ. లైట్ తీసుకునేదాన్ని. ఈ విషయం ఎక్కడా చెప్పలేదు. మొదటిసారి మీతో చెబుతున్నా.
డాక్టర్లు 3 సంవత్సరాలు విశ్రాంతి తీసుకోమంటే, 3 నెలల్లో పని మొదలుపెట్టావ్..!
ముమైత్: అవును. అలా అయిపోయింది. ప్రమాదకరమైన స్టంట్స్ కూడా చేశాను. అక్కడి నుంచి ఆలోచించడం మొదలు పెట్టా. అసలు నేను పరిశ్రమకు ఎలా వచ్చాను? దేవుడు నాకు ఏం ఇచ్చాడు? జ్ఞానం, మంచి పేరు, డబ్బు.. అంతా బాగానే ఉన్నా నాకు ఎందుకిలా జరుగుతోంది?ఇలా ఒకటే ఆలోచనలు. నేను అల్లాని అడుగుతున్నా.. సమస్యలు ఇచ్చినా స్వీకరిస్తాను కానీ, దాన్ని దాటే మార్గం చూపించమని మాత్రం అడుగుతా. దాని కోసం కష్టపడతా. (ఏడుస్తూ..) నేను ఎవరికీ హాని చేయలేదు. మోసం చేయలేదు. తప్పుచేయలేదు, అబద్ధం ఆడలేదు. నా జీవితానికెందుకు అప్పుడే ఫుల్స్టాప్. జీవితంలో ఎన్నో ఉన్నాయి. ఆలీ మీరు నాకు మలేషియాలో ఓ మాట చెప్పారు. ఆర్టిస్ట్ అంటే హార్ట్ బీట్. పైకి వెళ్లాలి.. కిందికీ రావాలి. అలా అని పని మానేయకూడదు. పని చేయాల్సిందే. ఆ మాటే నాలో స్ఫూర్తినింపింది.
ఇంతకీ నువ్వు అమ్మాయివా, అబ్బాయివా?
ముమైత్: నేను రెండు (నవ్వులు). పని చేసేటపుడు అబ్బాయిని, పని పూర్తయ్యాక అమ్మాయిని.
ఏంటీ? ఈ మధ్య ఎవరినో కొట్టారట?
ముమైత్: (నవ్వులు ). ముంబయిలో ఓసారి పబ్లో ఉన్నప్పుడు ఓ వ్యక్తి ముమైత్ ఖాన్ అంటూ నన్ను పట్టుకున్నాడు. నేను కిందికి వచ్చి నా కారులోని బేస్బాల్ బ్యాట్ తీసుకుని పైకి వెళ్లాను. అప్పటికే అతను అక్కడి నుంచి వెళ్లిపోయాడు. ఓసారి స్నేహితురాలితో విమాన ప్రయాణం చేస్తున్నపుడు కూడా ఇలానే జరిగింది.
పెళ్లెప్పుడు చేసుకుంటున్నారు?ఏమైనా ఆలోచనలు ఉన్నాయా?
ముమైత్: మీక్కూడా చెప్పాను కదా ఎన్ఆర్ఐని చూడమని. నాకు అబ్బాయి కావాలి కానీ, డాడీ వద్దు (నవ్వులు). పెళ్లి చేసుకుని అమ్మాయి తల్లి అవుతుంది.. అబ్బాయి నాన్న అవుతాడు ఈ రిలేషన్ నాకు వద్దు. అందుకే నేను ఆలోచిస్తా. నాకు గౌరవం ఇవ్వాలి, కలివిడిగా మెలగాలి, ప్రోత్సహించాలి, మోటివేట్ చేయాలి, సపోర్ట్ చేయాలి. అది చాలు ప్రపంచాన్నే గెలుస్తా.
మీ ప్రవర్తన వల్ల కొన్ని అవకాశాలు కోల్పోయారని తెలిసింది నిజమేనా?
ముమైత్: అది నిజం కాదు. కొంతకాలం గ్యాప్ తీసుకుందామనుకున్నా. నేను 27 ఏళ్ల వయసులో ప్రేమించి పెళ్లి చేసుకుని 32 ఏళ్లకు ఇద్దరు పిల్లలతో ఉందామనుకున్నా. మూడేళ్లు రిలేషన్లో ఉన్నా అది బ్రేకప్ అయింది.
మరి ఎందుకు అప్పుడు పెళ్లి చేసుకోలేదు?
ముమైత్: ఎందుకంటే 19 ఏళ్లకే పెళ్లైన సోదరి జీవితం చూశాను.
ఇండస్ట్రీలో బెస్ట్ ఫ్రెండ్ ఎవరు మీకు?
ముమైత్: పూరి జగన్నాథ్ నా బెస్ట్ ఫ్రెండ్. తర్వాత ‘తిక్క’ చిత్ర నిర్మాత రోహిణ్ రెడ్డి ఆ తర్వాత మీరు (ఆలీ). అంతే నాకు క్వాలిటీ కావాలి అది మీ దగ్గర ఉంది. అందుకే మీరు ఏది చెప్తే అది వింటాను. ఇంతకు ముందు అడిగారు కదా నేనెందుకు సన్నగా అయ్యానో. నాకు టి.బి. అందుకే బరువు తగ్గాను. దానికి తగిన మందులు వాడాను. రికవరీ అయ్యాను. ఇప్పుడు కొంచెం లావుగా కనిపిస్తుంది కూడా మెడిసన్ వల్లే. మూడు సంవత్సరాల నుంచి మందులు వేసుకుంటున్నాను.
ముమైత్ ఖాన్ ఆర్థికంగా సంతోషంగా ఉందా?
ముమైత్: చాలా సంతోషంగా ఉంది. కష్టపడి పనిచేస్తా. డబ్బులు దాచుకుంటా. నా కోసం ఖర్చుపెట్టుకుంటా. ప్రస్తుతానికి కూర్చుని తినే స్థోమత ఉంది (నవ్వులు).
మహేశ్ బాబు, ప్రభాస్, ఎన్టీఆర్.. ముద్దు పెట్టే అవకాశం వస్తే ఈ ముగ్గురిలో ఎవరికి పెడతావ్.
ముమైత్: ముగ్గురికీ. నేనూ మిమ్మల్ని అడుగుతాను. మీరు వీరిలో ఏ హీరోయిన్కి ముద్దుపెడతారు. ముమైత్ఖాన్, అనుష్క, సమంత.
ఆలీ: మెయిన్ హీరోయిన్ని మర్చిపోయావ్!
ముమైత్: ఎవరు?
ఆలీ: జుబేదా.. నా భార్య
ముమైత్: (నవ్వులు) ఆమెకు నేను చెబుతాలే! మీరు ఎవరికి ముద్దు పెడతారు?
ఆలీ: అనుష్క
ముమైత్: ఎందుకు? నేను ఇక్కడే ఉన్నాగా.
ఆలీ: ఎందుకంటే తను వెరీ నైస్ గర్ల్. అస్సలు గర్వం ఉండదు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఇండస్ట్రీలో ఆ హీరోయిన్స్ తక్కువ.. ఆ ఖాళీని భర్తీ చేయాలనుకుంటున్నా!
faria abdullah interview: అల్లరి నరేశ్, ఫరియా అబ్దుల్లా జంటగా నటించిన కామెడీ ఎంటర్టైనర్ ‘ఆ ఒక్కటీ అడక్కు’ మూవీ విడుదల కానున్న నేపథ్యంలో ఫరియా పంచుకున్న విశేషాలు.. -
పరిశ్రమను వదిలి వెళ్లాలనుకున్నా!
‘మురారి’, ‘ఇంద్ర’, ‘మన్మథుడు’లాంటి హిట్ చిత్రాలతో తెలుగు ప్రేక్షకులకు దగ్గరైన బాలీవుడ్ నాయిక సోనాలీ బెంద్రే. చాలా ఏళ్ల విరామం తర్వాత ‘ది బ్రోకెన్ న్యూస్’ అనే సిరీస్తో తెరపై కనిపించింది. -
నా జీవితంలో ఇదే రిస్కీ సినిమా
‘క్రూ’.. ఇటీవలే విడుదలైన ఈ సినిమాతో మంచి విజయాన్ని తన ఖాతాలో వేసుకుంది బాలీవుడ్ భామ కృతిసనన్. ఇందులో ఎయిర్హోస్టెస్ పాత్రలో కనిపించి సినీప్రియుల్ని మెప్పించింది. -
ఆ విషయంలో అల్లరి నరేశ్ను పట్టుబట్టా: నాని
నరేశ్ హీరోగా తెరకెక్కిన కామెడీ ఫిల్మ్ ‘ఆ ఒక్కటీ అడక్కు’. ఈ సినిమా ట్రైలర్ ఈవెంట్లో నాని సందడి చేశారు. -
అలాంటి మాటలు చెప్పే అలవాటు లేదు
‘పొలిమేర’ సిరీస్ సినిమాలతో అందర్నీ మెప్పించి సత్తా చాటారు సత్యం రాజేశ్. ఇప్పుడాయన హీరోగా నటించిన చిత్రం ‘టెనెంట్’. వై.యుగంధర్ తెరకెక్కించిన ఈ సినిమాని మోగుళ్ల చంద్రశేఖర్ రెడ్డి నిర్మించారు. -
చరణ్, జాన్వీ ‘జగదేక వీరుడు అతిలోక సుందరి’ సీక్వెల్ చేయాలన్నది నా కల: చిరంజీవి
‘జగదేక వీరుడు అతిలోక సుందరి’ రెండో భాగంలో రామ్చరణ్, జాన్వీకపూర్ కలిసి నటిస్తే చూడాలన్నది తన కల అని, దానికోసం ఎదురుచూస్తున్నానని అగ్ర కథానాయకుడు చిరంజీవి (Chiranjeevi) అన్నారు. -
హీరో ఒక్కడే థియేటర్లలోకి రప్పించలేడు
‘సినిమాలో పెద్ద హీరో ప్రధాన పాత్రధారిగా ఉన్నంతమాత్రాన ప్రేక్షకుడిని థియేటర్లలోకి రప్పించలేం. కథే సిసలైన హీరో’ అంటోంది కృతి సనన్. -
ఆ అవకాశం ఉంటే చెన్నై వదిలి ఇక్కడే సినిమాలు చేస్తా!
వైవిధ్యభరితమైన థ్రిల్లర్ కథలకు చిరునామాగా నిలుస్తుంటారు విజయ్ ఆంటోని. ఇప్పుడాయన తొలిసారి రొమాంటిక్ జానర్లో ‘లవ్ గురు’ అనే చిత్రం చేశారు. ఆయన స్వయంగా నిర్మించిన ఈ సినిమాని వినాయక్ వైద్యనాథన్ తెరకెక్కించారు. -
ఆ దిగ్గజ నటుడు నాకు ఆరాధ్య దైవంతో సమానం: మురళీ మోహన్
సినీ నటుడు మురళీ మోహన్ తాజాగా ‘ఆలీతో సరదాగా’లో పాల్గొన్నారు. ఆయన జీవితంలోని కొన్ని ఆసక్తికర అంశాలను పంచుకున్నారు. -
ఆ మాటలతోనే స్టార్నయ్యా.. ఇప్పటికీ షాంపూ బాటిల్లో నీళ్లు పోసి వాడుతుంటా!: చిరంజీవి
కెరీర్ పరంగా తాను ఎదుర్కొన్న సవాళ్లు, తన కుటుంబం, పొదుపుపై ఆసక్తికర వ్యాఖ్యలు చేశారు అగ్ర కథానాయకుడు చిరంజీవి (Chiranjeevi). -
చిరంజీవితో ఆ పాటకు డ్యాన్స్ వేయడం కష్టంగా అనిపించింది: రాధ
నటి రాధ ‘ఆలీతో సరదాగా’ కార్యక్రమానికి హాజరయ్యారు. ఆమె కెరీర్కు సంబంధించిన ఆసక్తికర విషయాలు పంచుకున్నారు. -
Prithviraj Sukumaran: అందుకు మలయాళ ఇండస్ట్రీ నాపై అసూయ పడిందేమో: పృథ్వీరాజ్ సుకుమారన్
తన కొత్త సినిమా ‘ఆడుజీవితం’ ప్రచారంలో భాగంగా హైదరాబాద్కు వచ్చారు మలయాళ నటుడు పృథ్వీరాజ్ సుకుమార్. ఆ చిత్రం గురించి పలు విశేషాలు పంచుకున్నారు. -
alitho saradaga: డబ్బులు అడుగుతానేమోనని కొందరు తప్పించుకు తిరిగేవాళ్లు: పుల్లెల గోపీచంద్
ప్రముఖ బ్యాడ్మింటన్ కోచ్ పుల్లెల గోపీచంద్ ఆలీతో సరదాగా కార్యక్రమానికి వచ్చారు. చాముండేశ్వర నాథ్తో కలిసి ఆయన చెప్పిన సంగతులేంటంటే.. -
Anupama Parameswaran: అందుకు బోర్ ఫీలయ్యా.. గ్లామర్ డోస్పై స్పందించిన అనుపమ
సిద్ధు జొన్నలగడ్డ, అనుపమ జంటగా నటించిన చిత్రం ‘టిల్లు స్క్వేర్’. ఈ సినిమా సాంగ్ లాంచ్ ఈవెంట్లో హైదరాబాద్లో జరిగింది. -
Priyadarshi: స్వచ్ఛమైన హాస్యంతో సినిమా ఓ పెద్ద సవాల్
‘‘కథానాయకుడు అనగానే ఒక ప్రత్యేకమైన ఇమేజ్కి పరిమితం చేసినట్టు ఉంటుంది. స్వేచ్ఛగా ఉండలేను. నన్ను నేను ఓ నటుడిగా చూసుకోవడానికే ఇష్టపడతా’’ అన్నారు ప్రియదర్శి. -
Sivaji: ఆలీ అన్నా.. దయచేసి ఎన్నికల్లో పోటీ చేయొద్దు: శివాజీ
ఇప్పటి రోజుల్లో రాజకీయాలు వ్యాపారంగా మారాయన్నారు నటుడు శివాజీ. డబ్బులు ఖర్చుపెట్టడంతోపాటు వివిధ మార్గాల్లో ఆ మొత్తాన్ని తిరిగి లాక్కొనేవారికే పాలిటిక్స్ సెట్ అవుతాయన్నారు. -
Allari Naresh: ‘ఆ ఒక్కటీ అడక్కు’ టైటిల్.. ఆ ఉద్దేశంతో పెట్టలేదు : అల్లరి నరేశ్
నరేశ్ హీరోగా రూపొందిన తాజా చిత్రం ‘ఆ ఒక్కటీ అడక్కు’. ఈ సినిమా టీజర్ లాంచ్ ఈవెంట్లో నరేశ్ పాల్గొని సందడి చేశారు. -
Raghu Karumanchi: స్టాక్మార్కెట్.. రూ.కోట్లలో నష్టపోయా: రఘు
ఈటీవీలో ప్రసారమవుతోన్న సెలబ్రిటీ టాక్ షో ‘చెప్పాలని ఉంది’ (Cheppalani Vundi). బాలాదిత్య వ్యాఖ్యాతగా వ్యవహరిస్తోన్న ఈ కార్యక్రమంలో తాజాగా టాలీవుడ్ హాస్యనటుడు రఘు కారుమంచి (Raghu Karumanchi) పాల్గొన్నారు. తన కెరీర్ విశేషాలు పంచుకున్నారు. -
Akash Puri: అప్పటి వరకు నాన్న దర్శకత్వంలో నటించను: ఆకాశ్ పూరి
తన తండ్రి పూరి జగన్నాథ్ దర్శకత్వంలో ప్రస్తుతానికి నటించాలనుకోవడంలేదని నటుడు ఆకాశ్ తెలిపారు. హైదరాబాద్లో నిర్వహించిన ప్రెస్మీట్లో ఆయన మాట్లాడారు. -
Suhaas: రూ.3 కోట్ల రెమ్యూనరేషన్.. సుహాస్ ఏమన్నారంటే!
తాజాగా ‘ప్రసన్నవదనం’ టీజర్ లాంచ్ ఈవెంట్ జరిగింది. ఇందులో సుహాస్ తన రెమ్యూనరేషన్పై స్పందించారు. -
Gopichand: ఆ పిల్లల చదువుకు సాయం చేస్తున్నా.. చెప్పకపోవడానికి కారణమదే: గోపీచంద్
ప్రముఖ హాస్యనటుడు ఆలీ వ్యాఖ్యాతగా ఈటీవీ వేదికపై విశేష ఆదరణ సొంతం చేసుకున్న సెలబ్రిటీ టాక్ షో ‘ఆలీతో సరదాగా’ (Alitho Saradaga). ఈ షో సెకండ్ సీజన్ తాజాగా మొదలైంది. తొలి ఎపిసోడ్కు గోపీచంద్ (Gopichand) అతిథిగా విచ్చేశారు.
తాజా వార్తలు (Latest News)
-
జీవితంపై విరక్తి.. ఇద్దరు పిల్లలతో కలిసి తల్లి ఆత్మహత్య
-
అరుదైన ఘనత సాధించిన ‘పొలిమేర2’.. ఆనందంతో దర్శకుడి పోస్ట్
-
మోదీజీ.. ఇంకా మౌనమేనా?: ప్రజ్వల్ అభ్యంతరకర వీడియోలపై ప్రియాంకగాంధీ
-
శంషాబాద్ ఎయిర్పోర్టు పరిసరాల్లో చిరుత కోసం కొనసాగుతున్న గాలింపు
-
భారీ ధరకు ‘తండేల్’ ఓటీటీ రైట్స్.. చైతూ కెరీర్లో బిగ్ డీల్
-
భారత్లో నథింగ్ ఫోన్ 2ఏ స్పెషల్ ఎడిషన్.. ధర, ఫీచర్లివే..!