Bheemla Nayak: ‘భీమ్లా నాయక్‌’.. పాటలన్నీ ఒకే చోట..

ఇంటర్నెట్‌ డెస్క్‌: పవన్‌ కల్యాణ్‌, రానా ప్రధాన పాత్రల్లో తెరకెక్కిన చిత్రం ‘భీమ్లా నాయక్’. ఇటీవల విడుదలైన ఈ సినిమా విశేష ప్రేక్షకాదరణ పొందింది. ఈ సందర్భంగా చిత్ర బృందం పాటల జ్యూక్‌బాక్స్‌ను పంచుకుంది. ఇందులో.. ఇప్పటికే విడుదల చేసిన టైటిల్‌ సాంగ్‌, ‘లాలా భీమ్లా’, ‘భీమ్లా బ్యాక్‌ ఆన్‌ డ్యూటీ’, ‘అంత ఇష్టం’తోపాటు మరో మూడు కొత్త పాటలున్నాయి. ‘అడవి గుసగుసలు’, ‘ఓ సందమామ’, ‘అడవి తల్లి మాట’.. అనే ఈ మూడు గీతాలు అన్ని వర్గాల శ్రోతల్ని అలరించేలా ఉన్నాయి. సినిమాలో కీలక సన్నివేశాల్లో వచ్చే పాటలివి.

మలయాళ సూపర్‌హిట్‌ ‘అయ్యప్పనుమ్‌ కోషియుమ్‌’కు రీమేక్‌గా ‘భీమ్లా నాయక్‌’ తెరకెక్కింది. సాగర్‌ కె. చంద్ర దర్శకత్వం వహించిన ఈ సినిమాకు త్రివిక్రమ్‌ స్క్రీన్‌ప్లే, సంభాషణలు అందించారు. తమన్‌ సంగీతం అందించారు. నిత్య మేనన్‌, సంయుక్త మేనన్‌ కథానాయికలు. ఈ చిత్రాన్ని సితార ఎంటర్‌టైన్స్‌ పతాకంపై సూర్య దేవర నాగవంశీ నిర్మించారు.