జయప్రకాశ్‌రెడ్డి మృతి: ఎవర్‌గ్రీన్‌ పాత్రలివే!

ఇంటర్నెట్‌డెస్క్: అన్ని రకాల పాత్రలు పోషించాలని, నవరసాలు పండించాలని ప్రతి నటుడికీ ఉంటుంది. అయితే, కొందరు కొన్ని మాత్రమే అద్భుతంగా చేయగలరు. అలాంటి అతి కొద్దిమంది నటుల్లో జయప్రకాశ్‌రెడ్డి ఒకరు. చిన్న చిన్న పాత్రలతో సినీ జీవితాన్ని మొదలు పెట్టిన ఆయన కెరీర్‌ను మలుపు తిప్పిన చిత్రం ‘ప్రేమించుకుందాం రా’. అందులో కథానాయిక తండ్రి వీరభద్రయ్యగా ప్రేమను వ్యతిరేకించే వ్యక్తిగా క్రూరత్వం నిండిన పాత్రలో అదరగొట్టేశారు. ఆ తర్వాత ఆయన వెనుదిరిగి చూసుకోవాల్సిన పనిలేకుండా పోయింది. అయితే, జయప్రకాశ్‌రెడ్డి కేవలం ప్రతినాయకుడి పాత్రలకే పరిమితం కాలేదు. ఆయనలో అద్భుతమైన హాస్యనటుడు కూడా ఉన్నాడని ఎన్నో చిత్రాల్లో నిరూపించారు. నవరసాల్లో హాస్యరసాన్ని పండించటం చాలా కష్టం. అలాంటిది ఆయన తెరపై కనపడితే నవ్వుల పువ్వులు పూసిన చిత్రాలెన్నో. జయప్రకాశ్‌రెడ్డి గుండెపోటుతో మృతిచెందడంతో తెలుగు సినీ పరిశ్రమలో విషాదం అలముకుంది. ఈ సందర్భంగా ఆయన నటించిన పలు చిత్రాల్లో టాప్‌ పాత్రలు మరోసారి గుర్తు చేసుకుందాం.