Keedaa Cola: ఓటీటీలోకి వచ్చేస్తున్న ‘కీడా కోలా’.. స్ట్రీమింగ్‌ ఎప్పుడంటే!

ఇంటర్నెట్‌ డెస్క్‌: తరుణ్‌ భాస్కర్‌ స్వీయ దర్శకత్వంలో రూపొందిన సినిమా ‘కీడా కోలా’ (Keedaa Cola). గత నెలలో విడుదలైన ఈ చిత్రం ప్రేక్షకులకు వినోదాన్ని పంచింది. ఇప్పుడీ క్రైమ్ కామెడీ ఓటీటీలో స్ట్రీమింగ్‌కు సిద్ధమైంది. డిసెంబర్‌ 29 నుంచి ఆహా వేదికగా ప్రసారం కానుంది. ఆహా గోల్డ్‌ సబ్‌స్క్రైబర్లకు మాత్రం ఓరోజు ముందుగా డిసెంబర్‌ 28నుంచి అందుబాటులో ఉండనున్నట్లు సంస్థ తెలిపింది. రానా సమర్పణలో వచ్చిన ఈ సినిమాలో బ్రహ్మానందం, రఘురామ్‌, రవీంద్ర విజయ్‌, చైతన్య రావు మదాడి తదితరులు ముఖ్య పాత్రలు పోషించారు.

ఆయన లేకపోతే ‘సలార్‌’ లేదు..: ప్రశాంత్ నీల్‌

క‌థేంటంటే: వాస్తు (చైత‌న్య‌రావు), అత‌ని తాత వ‌ర‌ద‌రాజు (బ్ర‌హ్మానందం), లాయ‌ర్ అయిన కౌశిక్ (రాగ్ మ‌యూర్‌) వీళ్లంద‌రి ధ్యేయం డ‌బ్బు సంపాదించడ‌మే. తాత కోసం కొన్న శీత‌ల పానీయం కీడా కోలా బాటిల్‌లో బొద్దింక‌ని చూపించి య‌జ‌మానిని బ్లాక్‌మెయిల్ చేయాల‌ని ప‌న్నాగం ప‌న్నుతారు. రూ.5 కోట్ల నుంచి బేర‌సారాలు మొద‌ల‌వుతాయి. మ‌రోవైపు జీవ‌న్ (జీవ‌న్‌)కి కార్పొరేట‌ర్ కావాల‌నేది ఆశ‌. 20 ఏళ్లు జైల్లో ఉండి బ‌య‌టికి వ‌చ్చిన త‌న అన్న నాయుడు (Tarun bhaskar) అండ‌తో ఆ ప్ర‌య‌త్నాల్లోకి దిగుతాడు. జీవ‌న్ కార్పొరేట‌ర్ కావాల‌న్నా కూడా డ‌బ్బే అవ‌స‌రం కావ‌డంతో అందుకోసం వీళ్లు కూడా ఓ వ్యూహం ప‌న్నుతారు. మ‌రి వీళ్లంద‌రి ప్ర‌య‌త్నాలు ఫ‌లించాయా? డ‌బ్బు సంపాదించారా? వాస్తు గ్యాంగ్‌, జీవ‌న్ గ్యాంగ్ ఎలా క‌లిశారు? ఇంత‌కీ కోలాలో బొద్దింక ఎలా ప‌డింది? త‌దిత‌ర విష‌యాలు తెలియాలంటే సినిమా చూడాల్సిందే.