Guntur Kaaram: అభిమానులతో ‘గుంటూరు కారం’ చూసిన మహేశ్‌ బాబు.. ఫొటోలు వైరల్‌

ఇంటర్నెట్‌ డెస్క్‌: ‘గుంటూరు కారం’ను అభిమానులతో కలిసి వీక్షించారు హీరో మహేశ్ బాబు (Mahesh Babu). త్రివిక్రమ్‌ దర్శకత్వంలో ఆయన నటించిన ఈ హ్యాట్రిక్‌ మూవీ సంక్రాంతి కానుకగా నేడు ప్రేక్షకుల ముందుకు వచ్చింది. హైదరాబాద్‌ ఆర్టీసీ క్రాస్‌ రోడ్‌లోని సుదర్శన్‌ థియేటర్‌లో మహేశ్‌ దీన్ని చూశారు. తమ హీరోను చూసిన అభిమానులు ఆనందంతో సందడి చేశారు. ప్రస్తుతం దీనికి సంబంధించిన ఫొటోలు, వీడియోలు సోషల్ మీడియాలో వైరల్‌ అవుతున్నాయి.

‘అతడు’, ‘ఖలేజా’ తర్వాత వీళ్లిద్దరి కాంబినేషన్‌లో వచ్చిన సినిమా ఇది. శ్రీలీల, మీనాక్షి చౌదరి కథానాయికలుగా కనిపించగా జగపతి బాబు, రమ్యకృష్ణ కీలక పాత్రలు పోషించారు. రమణ పాత్రలో మహేశ్‌ మాస్‌లుక్‌లో ఆకట్టుకుంటున్నారు.