Papam Pasivadu: స్ట్రీమింగ్‌కు సిద్ధమైన ‘పాపం పసివాడు’.. ఎప్పుడంటే?

హైదరాబాద్‌: గాయకుడు శ్రీరామ చంద్ర, గాయత్రి చాగంటి ప్రధాన పాత్రల్లో నటించిన వెబ్‌ సిరీస్‌ ‘పాపం పసివాడు’ (Papam pasivadu). వీకెండ్‌ షో బ్యానర్‌పై ఇది తెరకెక్కింది. తాజాగా దీని ట్రైలర్‌ను దర్శకుడు సందీప్‌ రాజ్‌ విడుదల చేశారు. రొమాంటిక్‌ కామెడీ ఎంటర్‌టైనర్‌గా ఇది అలరించనుంది. లవ్‌ ఫెయిల్‌ అయిన అబ్బాయిని ముగ్గురు అమ్మాయిలు ప్రేమిస్తే ఎలా ఉంటుందన్నది కథ. ఐదు ఎపిసోడ్‌లుగా రూపొందిన ఈ వెబ్‌సిరీస్‌.. ఆహా (aha) వేదికగా సెప్టెంబర్‌ 29 నుంచి ఇది స్ట్రీమింగ్‌ కానుంది. ఇక ఈ ట్రైలర్‌ లాంఛ్‌లో దర్శకుడు సందీప్‌ రాజ్‌ మాట్లాడుతూ ప్రేమ, కామెడీ ప్రధానాంశాలుగా తెరకెక్కిన ఈ సిరీస్‌ ప్రేక్షకులకు ఓ కొత్త అనుభూతినిస్తుందన్నారు. అలాగే ఆహాతోనే తన కెరీర్‌ ప్రారంభమైందని శ్రీరామచంద్ర తెలిపారు. ‘ఆహాతో కలిసి పనిచేయడం ఇది మూడోసారి. ఇక్కడే యాంకర్‌గా నా జర్నీ మొదలు పెట్టిన నేను.. ఇప్పుడు ‘పాపం పసివాడు’తో యాక్టర్‌గా మారాను. ఈ కామెడీ ఎంటర్‌టైనర్‌ను అందరూ ఎంజాయ్‌ చేస్తారని ఆశిస్తున్నా’ అని అన్నారు.