Pongal Movies: ముందు అజిత్‌.. బాలయ్య, విజయ్‌..

ఇంటర్నెట్‌ డెస్క్‌: ఈ ఏడాది సంక్రాంతికి టాలీవుడ్‌ అగ్ర హీరోలు చిరంజీవి (Chiranjeevi), బాలకృష్ణ (Balakrishna), కోలీవుడ్‌ హీరోలు విజయ్‌ (Vijay), అజిత్‌ల (Ajith) చిత్రాలు విడుదలవుతున్నాయనే సంగతి తెలిసిందే. మూడు సినిమాల విడుదల తేదీ ఇప్పటికే ఖరారుకాగా అజిత్‌ ఫిల్మ్‌ రిలీజ్‌ డేట్‌ బుధవారం ఫిక్స్‌ అయింది. ముందుగా అజిత్‌ చిత్రం ప్రేక్షకుల ముందుకు రానుంది. ఏ హీరో సినిమా ఏ రోజు థియేటర్లలోకి వస్తుందంటే..?

🍿 అజిత్‌- దర్శకుడు హెచ్‌. వినోద్‌ కాంబినేషన్‌లో రూపొందిన మూడో చిత్రం ‘తునివు’ (తెలుగులో తెగింపు). ఈ సినిమాని జనవరి 11న విడుదల చేయనున్నట్టు చిత్ర బృందం తాజాగా ప్రకటించింది (Thunivu).

🍿 బాలకృష్ణ హీరోగా దర్శకుడు మలినేని గోపీచంద్‌ రూపొందించిన సినిమా ‘వీరసింహారెడ్డి’ (Veera Simha Reddy). శ్రుతి హాసన్‌ హీరోయిన్‌. ఈ చిత్రం జనవరి 12న రాబోతుంది.

🍿 విజయ్‌- వంశీ పైడిపల్లి కాంబినేషన్‌లో తెరకెక్కిన చిత్రం ‘వారిసు’ (తెలుగులో వారసుడు). రష్మిక కథానాయిక. ఈ సినిమా జనవరి 12న విడుదలకానుంది (Varisu). 

🍿 చిరంజీవి హీరోగా దర్శకుడు కె. బాబీ తెరకెక్కించిన చిత్రం ‘వాల్తేరు వీరయ్య’ (Waltair Veerayya). శ్రుతి హాసన్‌ కథానాయిక. ఈ సినిమా జనవరి 13న విడుదలకానుంది.

ఇవీ వస్తున్నాయి..

ఈ అగ్ర హీరోల చిత్రాలతోపాటు రెండు చిన్న సినిమాలు సంక్రాంతికి సందడి చేసేందుకు సిద్ధమయ్యాయి. రాహుల్‌ విజయ్‌, శివానీ రాజశేఖర్‌ జంటగా తెరకెక్కిన ‘విద్య వాసుల అహం’ (vidya vasula aham), సంతోష్‌ శోభన్‌, ప్రియా భవానీ శంకర్‌ జంటగా నటించిన ‘కల్యాణం కమనీయం’ (kalyanam kamaneeyam) జనవరి 14న ప్రేక్షకుల ముందుకు రానున్నాయి.