RRR: ‘ఆర్‌ఆర్‌ఆర్‌’.. బీజీఎం వింటారా!

ఇంటర్నెట్‌ డెస్క్‌: కొన్ని చిత్రాలకు నేపథ్య సంగీతం ఆయువు పట్టుగా నిలుస్తుంది. అలాంటి సినిమాల్లో ‘ఆర్‌ఆర్‌ఆర్‌’ ఒకటి. పీరియాడికల్‌ డ్రామాగా తెరకెక్కిన ఈ ప్రాజెక్టుకు ఎం. ఎం. కీరవాణి అందించిన సంగీతం, నేపథ్య సంగీతం ప్రేక్షకుల్ని విశేషంగా ఆకట్టుకున్నాయి. సన్నివేశానికి తగ్గ బ్యాక్‌గ్రౌండ్‌ స్కోర్‌ ఇచ్చి సినిమాను రక్తి కట్టించారాయన. ‘ఈ సూపర్‌హిట్‌ చిత్రంలోని పాటలనైతే మళ్లీ మళ్లీ వినగలంగానీ బీజీఎం (బ్యాక్‌ గ్రౌండ్‌ మ్యూజిక్‌) ఎలా?’ అనుకునే వారికి ‘ఆర్‌ఆర్‌ఆర్‌’ చిత్ర బృందం సర్‌ప్రైజ్‌ అందించింది. కొన్ని సీన్లకు సంబంధించిన నేపథ్య సంగీతాన్ని తాజాగా విడుదల చేసింది. రామ్‌చరణ్‌, ఎన్టీఆర్‌ హీరోలుగా రాజమౌళి తెరకెక్కించిన ఈ పాన్‌ ఇండియా సినిమా ఎంతటి ప్రభంజనం సృష్టించిందో ప్రత్యేకంగా చెప్పనవసరం లేదు కదా. ఆలస్యమెందుకు ‘ఆర్‌ఆర్‌ఆర్‌’ సంగీత ప్రపంచంలోకి అడుగుపెట్టండి...