Shakuntala poster: సమంత బర్త్‌డే సర్‌ప్రైజ్‌ పోస్టర్‌ చూశారా..!

ఇంటర్నెట్‌ డెస్క్‌: మహాభారతంలోని ఆదిపర్వంలో శకుంతల, దుష్యంతుల ప్రేమకథ ఆధారంగా తెరకెక్కుతోన్న చిత్రం ‘శాకుంతలం’. గుణశేఖర్‌ దర్శకత్వం వహించిన ఈ సినిమాలో సమంత కీలకపాత్ర పోషిస్తోంది. సమంత పుట్టిన రోజు సందర్భంగా గుణశేఖర్‌ ఈ సినిమాలోని ఒక పోస్టర్‌ను విడుదల చేశారు. ‘మా అందాల శకుంతలకు పుట్టినరోజు శుభాకాంక్షలు’ అని ట్విట్‌ చేశారు.

ఎవరి కోసమో నిరీక్షిస్తున్నట్లుగా ఉన్న సమంత లుక్‌ చూసి అభిమానులు ఆనందపడుతున్నారు. మణిశర్మ సంగీత దర్శకత్వం వహిస్తున్న ఈ సినిమాను నీలిమ గుణ నిర్మిస్తున్నారు. తెలుగు,తమిళ, కన్నడ,మలయాళీ,హిందీ భాషల్లో విడుదల కానున్న ఈ చిత్రంలో సమంతతో పాటు దేవ్‌ మోహన్‌ ముఖ్య భూమిక పోషిస్తున్నారు.