Sharwanand: శర్వానంద్‌ కొత్త సినిమాల అప్‌డేట్స్‌ ఇవే..

ఇంటర్నెట్‌ డెస్క్‌: హీరో శర్వానంద్ (Sharwanand) పుట్టినరోజు సందర్భంగా అప్‌కమింగ్ సినిమాలకు సంబంధించిన అప్‌డేట్స్‌ పంచుకుంటున్నారు మేకర్స్‌.  శ్రీరామ్ ఆదిత్య దర్శకత్వంలో ఓ సినిమా తెరకెక్కనున్న సంగతి తెలిసిందే. టీజీ విశ్వప్రసాద్‌ నిర్మిస్తున్నారు. తాజాగా ఈ సినిమా టైటిల్‌ను చిత్ర బృందం ప్రకటించింది. దీనికి ‘మనమే’ అనే టైటిల్‌ను ఖరారు చేసినట్లు తెలుపుతూ ఫస్ట్‌లుక్‌ టీజర్‌ను టీమ్‌ విడుదల చేసింది. ఈ చిత్రంలో చిన్నారి నేపథ్యంలో సాగే సన్నివేశాలు హైలైట్‌ కానున్నట్లు సమాచారం. దీని షూటింగ్‌ లండన్‌లో జరిగినట్లు తెలుస్తోంది. ఫస్ట్‌లుక్‌ పోస్టర్‌లోనూ బాబుతో శర్వానంద్‌ నిల్చున్నట్లు చూపించారు. ఆ బాబు శ్రీరామ్ ఆదిత్య కుమారుడని కూడా టాక్ వినిపిస్తోంది. ఈ చిత్రంలో కృతి శెట్టి హీరోయిన్‌గా నటించనుంది.

ఈ హీరో 36వ సినిమాకు సంబంధించిన అప్‌డేట్‌ కూడా వచ్చేసింది. #Sharwa36 పేరుతో ఇది ప్రచారంలో ఉంది. దీని ఫస్ట్‌లుక్‌ పోస్టర్‌ను పంచుకున్న శర్వానంద్‌ ‘సాహసం చేసేందుకు సిద్ధంగా ఉండండి’ అని క్యాప్షన్‌ పెట్టారు. దీనికి అభిలాష్‌ రెడ్డి దర్శకత్వం వహించనున్నారు. యూవీ క్రియేషన్స్‌ బ్యానర్‌పై ఇది రానుంది. రేసింగ్‌ ఆధారంగా రూపొందించనున్న ఈ సినిమాలో శర్వా బైక్‌ రైడర్‌గా కనిపించనున్నట్లు తెలుస్తోంది. ఆయన గతంలో ఈ బ్యానర్‌పై ‘రన్‌ రాజా రన్’, ‘ఎక్స్‌ ప్రెస్‌రాజా’ , ‘మహానుభావుడు’ వంటి హిట్‌ సినిమాల్లో నటించారు.