Adipurush: ‘రామాయణం’ ఇప్పుడెవరు చూస్తారని నవ్వారు.. రికార్డు చూసి షాకయ్యారు!
రామాయణం ఆధారంగా దర్శకుడు ఓంరౌత్ తెరకెక్కించిన చిత్రం.. ‘ఆదిపురుష్’. ఈ సినిమా శుక్రవారం విడుదలకానున్న నేపథ్యంలో గతంలో సంచలనం సృష్టించిన ‘రామాయణం’ సీరియల్పై ఓ లుక్కేద్దాం..
భారతీయ చలన చిత్ర పరిశ్రమలో ప్రస్తుతం.. ‘ఆదిపురుష్’ (Adipurush) సందడి నెలకొంది. టాలీవుడ్ టు బాలీవుడ్ ప్రముఖులు వేల సంఖ్యలో ఈ సినిమా టికెట్లు కొని (Adipurush Tickets), పేదవారికి ఉచితంగా ఇస్తుండడం కొత్త ట్రెండ్కు తెర తీసింది. ఇలా ఓ వైపు పాజిటివ్ వైబ్స్ కనిపిస్తుంటే.. మరోవైపు ‘‘రామాయణం గురించి చాలా మందికి తెలుసు. కొత్తగా చూడ్డానికి ఏముంది?’’ అనే అభిప్రాయమూ వ్యక్తమవుతోంది. మూడేళ్ల క్రితం రామాయణ్/రామాయణం (Ramayan) సీరియల్ రీ టెలికాస్ట్కానుందని తెలిసిన కొందరు అలానే అనుకున్నారు. ‘రామాయణం.. ఇప్పుడెవరు చూస్తారు’ అని నవ్వినవారంతా వ్యూస్ విషయంలో అది సాధించిన రికార్డు చూసి షాకయ్యారు. ఓసారి ఫ్లాష్బ్యాక్లోకి వెళ్దామా..
అప్పట్లో సాహసం..
ఇప్పుడంటే ఎన్నో యూట్యూబ్ ఛానల్స్, పాడ్కాస్ట్లు.. ‘రామాయణం’ గురించి వివరిస్తున్నాయి. ఈ- బుక్స్ అందుబాటులో ఉన్నాయి. మరి, ఇంటర్నెట్ అందుబాటులో లేని రోజుల్లో.. రేడియో, టీవీనే ప్రధాన మాధ్యమాలు. టీవీ అనేది వినోదం పంచే సాధనం. మరి, దాని ద్వారా రామాయణాన్ని భారతీయులకు తెలియజేయాలనుకోవడం ఓ సాహసమే. ఆనాడు.. రామానంద్ సాగర్ ఆ సాహసమే చేశారు. ఎంతో కష్టపడి ఆ ఇతిహాసాన్ని ధారావాహికగా తెరకెక్కించారు. రామానంద్ సాగర్ అండ్ టీమ్ ఊహించినట్టే ఆ సీరియల్ ప్రసారమైన కొన్ని వారాల వరకు ప్రేక్షకుల నుంచి స్పందన లేదు. ఆరు వారాల తర్వాత ఆ సీరియల్ పట్ల ఆడియన్స్ ఆసక్తి కనబరిచారు. ‘రామాయణం మనం చదవలేదు.. ఎప్పుడూ వినలేదు.. ఇప్పుడైనా చూద్దాం’ అనుకుంటూ టీవీలకు అతుక్కుపోయేవారు. ఈ ధారావాహిక 78 ఎసిసోడ్లతో 1987 జనవరి 25 నుంచి 1988 జులై 31 వరకు ప్రతి ఆదివారం ఉదయం 9: 30 గం.లకు దూరదర్శన్లో ప్రసారమయ్యేది. అత్యధిక వీక్షణలు సొంతం చేసుకుని లిమ్కా బుక్ రికార్డ్స్లోనూ చోటు దక్కించుకుంది. రామాయణం ఆధారంగా చేసుకుని అప్పటికే పలు సినిమాలు వచ్చాయి. వాటిని ఆదరించిన నాటి ప్రేక్షకులు ఈ సీరియల్నూ ఆదరించడానికి కారణం.. ఆ ఇతిహాసం ఎన్ని సార్లు చూసినా, ఎన్ని సార్లు విన్నా, ఎన్ని సార్లు చదివినా కొత్తగా ఉండడం. మానవాళి నేర్చుకోవాల్సిన ఎన్నో విషయాల్ని చెప్పడం.
ప్రపంచ రికార్డు..
‘అప్పుడంటే ఏ సోర్స్ లేకపోవడంతో చూసుంటారు. సాంకేతికత ఇంతగా అభివృద్ధి చెందిన ఈ రోజుల్లో ఎవరు చూస్తారు?’.. 2020లో ‘రామాయణం’ సీరియల్ రీ టెలికాస్ట్ కానుందని తెలిసి కొందరు చేసిన విమర్శలివి. లాక్డౌన్ కారణంగా ఇంటికే పరిమితమైన ప్రజలకు ఈ ధారావాహికను పునః ప్రసారం చేయాలని కేంద్ర సమాచార, ప్రసార మంత్రిత్వ శాఖ నిర్ణయించింది. ఈ మేరకు ఆ ఏడాది మార్చి 28 నుంచి సీరియల్ ప్రతి రోజూ ఉదయం, సాయంత్రం రీ టెలికాస్ట్ అయింది. ఏప్రిల్ 16న ఈ సీరియల్ను 7.7 కోట్ల మంది వీక్షించడం ప్రపంచ రికార్డు. పౌరాణికాలకు ఉన్న ఆదరణ ఎలాంటిదో ఆ వ్యూస్ని బట్టి అర్థం చేసుకోవచ్చు.
‘రామాయణానికి మ్యాన్ఫ్యాక్చరింగ్ డేట్ ఉంటుంది గానీ ఎక్స్పైరీ డేట్ లేదు’ అని సునీల్ లహ్రీ (సీరియల్లో లక్ష్మణుడి పాత్ర పోషించిన వ్యక్తి) ఓ సందర్భంలో అభిప్రాయపడ్డారు. ఏ ఇతిహాసమైనా నిత్య నూతనం కాబట్టి వాటిని ఆధారంగా చేసుకుని అప్పుడప్పుడూ సినిమాలు, సీరియళ్లు తెరకెక్కుతున్నాయి. ‘ఆదిపురుష్’ (Adipurush Release on June 16th) విషయానికొస్తే.. ఇందులో రాముడిగా ప్రముఖ హీరో ప్రభాస్ (Prabhas) నటించారు. సీతగా కృతిసనన్ (Kriti Sanon), రావణాసురుడిగా సైఫ్ అలీఖాన్ (Saif Ali Khan) కనిపించనున్నారు. రామాయణంలోని అరణ్యకాండం, యుద్ధకాండం ఇతివృత్తంగా ఈ సినిమాని దర్శకుడు ఓంరౌత్ తెరకెక్కించారు. జూన్ 16న విడుదలకానున్న ఈ సినిమా టికెట్లను పలువురు ప్రముఖులు కొని, రాముడి గురించి ఈ తరానికి తెలియజేయాలని వాటిని ఉచితంగా అందిస్తుండడం విశేషం.
- ఇంటర్నెట్ డెస్క్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
యువతరం.. వైవిధ్యమే తొలి విజయం: స్టార్ నటులు మెచ్చిన యంగ్ హీరోలెవరంటే?
విభిన్న కథలను ఎంపిక చేసుకుంటూ విజయాన్ని అందుకుంటున్న యంగ్ హీరోలపై ప్రత్యేక కథనం.. -
ఎవరీ అశ్వత్థామ.. కృష్ణుడు అతడికి ఇచ్చిన శాపం ఏంటి?
ప్రభాస్ (Prabhas) కథానాయకుడిగా నాగ్ అశ్విన్ దర్శకత్వంలో రూపొందుతున్న సైన్స్ ఫిక్షన్ మూవీ ‘కల్కి 2898 ఏడీ’ (Kalki 2898 AD). ఇందులో ప్రముఖ నటుడు అమితాబ్ బచ్చన్ అశ్వత్థామగా (Ashwathama) కనిపించనున్నారు. -
ఇక్కడ ప్రభాస్, విష్ణు.. అక్కడ రజనీకాంత్, కమల్ హాసన్: వీరి చిత్రాల స్పెషల్ ఏంటంటే?
ప్రముఖ నటులు కొందరు కలిసి నటిస్తున్న చిత్రాలపై ప్రత్యేక కథనం. ఎవరెవరు ఏయే సినిమాల్లో నటిస్తున్నారంటే? -
నాయికలు ‘తెర’ పంచుకుంటే.. వినోదం పెంచినట్టే
త్వరలో విడుదల కాబోయే సినిమాలు ప్రేక్షకులకు రెట్టింపు వినోదాన్ని పంచడానికి సిద్ధమవుతున్నాయి. అందుకు కారణం ఒకే మూవీలో ఇద్దరు/ ముగ్గురు హీరోయిన్లు కలిసి నటిస్తుండటమే.. -
సీనియర్ హీరోయిన్ల జోరు ‘తగ్గేదే లే’.. ఎవరెన్ని సినిమాలతో బిజీగా ఉన్నారంటే?
టాలీవుడ్ సీనియర్ హీరోయిన్లపై ప్రత్యేక కథనం. త్రిష, నయనతార, తమన్నా.. ఇలా ఎవరెవరు ఎన్ని సినిమాలతో సందడి చేసేందుకు సిద్ధంగా ఉన్నారంటే? -
పృథ్వీరాజ్ సుకుమారన్ బెస్ట్ మూవీస్.. ఇప్పుడు ‘ఆడుజీవితం’.. ఇంతకుముందు?
పృథ్వీరాజ్ సుకుమారన్ నటించిన ఉత్తమ చిత్రాలు ఏంటంటే..? -
ఆ అవార్డు అందుకున్న తొలి వ్యక్తిని నేనే అని తెలిసి షాకయ్యా.. అల్లు అర్జున్
నటుడు అల్లు అర్జున్ (Allu Arjun) పుట్టినరోజు నేడు. ఈ సందర్భంగా ఆయనకు సంబంధించిన పలు ఆసక్తికర విశేషాలు. -
రికార్డుల్లోనూ ఫస్టే ఈ నేషనల్ క్రష్.. రష్మిక ఖాతాలో ఘనతలెన్నో!
రష్మిక పుట్టినరోజు సందర్భంగా ఆమె సొంతంచేసుకున్న కొన్ని రికార్డులను చూద్దాం.. -
రామ్ చరణ్ బర్త్డే.. ఆయన బాల్యం గురించి ఈ విశేషాలు తెలుసా..?
టాలీవుడ్ ప్రముఖ హీరో రామ్ చరణ్ పుట్టినరోజు నేడు. ఈ సందర్భంగా ఆయన గురించి కొన్ని విశేషాలు.. -
Challenging Roles: పాత్రలకు ప్రాణం పోశారు.. పృథ్వీరాజ్ సుకుమారన్ ఇలా.. విక్రమ్ అలా!
పాత్రలకు ప్రాణం పోసేందుకు మానసికంగా, శారీరకంగా ఎంతగానో శ్రమించిన నటులు, వారి సినిమాల వివరాలివీ.. -
Tollywood Actresses: అగ్ర నాయికలు అలా రూటు మార్చి.. హాట్టాపిక్గా నిలిచి!
అగ్ర కథానాయిక- వర్ధమాన హీరో కాంబినేషన్లో వచ్చిన సినిమాల విశేషాలు.. -
Actors turned Directors: ధనుష్, ఉపేంద్ర, కంగన.. మళ్లీ మరో కోణాన్ని చూపించేందుకు...
స్వీయ దర్శకత్వంలో నటించిన హీరో/హీరోయిన్పై ప్రత్యేక కథనం. ఎవరు ఏ సినిమాతో అలరించేందుకు సిద్ధమయ్యారంటే? -
Alia Bhatt: అందుకు క్లాస్లో బెంచీలు తుడిచి.. బ్యాగ్రౌండ్ ఉన్నా ఆడిషన్ ఇచ్చి: అలియా భట్ బర్త్డే స్పెషల్
అలియా భట్ పుట్టినరోజు సందర్భంగా ఆమె గురించి పలు విశేషాలు.. -
Mamitha Baiju: గిరిజ, సాయి పల్లవిలా మమితా బైజు.. రాజమౌళి మెచ్చిన ఈ నటి ఎవరు?
యంగ్ హీరోయిన్ మమితా బైజును అగ్ర దర్శకుడు ప్రశంసించడం అందరి దృష్టినీ ఆకర్షించింది. ఎవరీ నటి? -
Comedians as Heros: కమెడియన్లు.. కథానాయకులై.. ఎవరెవరు ఏ సినిమాతో అలరించారంటే?
కమెడియన్లుగా కెరీర్ని ప్రారంభించి హీరోగాను సినిమాలు చేస్తున్న నటులపై ప్రత్యేక కథనం.. -
Krystyna Pyszkova: మనిషే కాదు.. మనసూ అందమే: మిస్ వరల్డ్ క్రిస్టినా గురించి ఆసక్తికర విశేషాలివీ
ప్రపంచ సుందరి-2024 కిరీటం దక్కించుకున్న క్రిస్టినా పిస్కోవా గురించి ఆసక్తికర విశేషాలు మీకోసం.. -
Miss World Pageant: తొలుత ‘బికినీ కాంటెస్ట్’గా.. 28 ఏళ్ల తర్వాత భారత్ ఆతిథ్యం.. ‘మిస్ వరల్డ్’ పోటీల సంగతులివీ!
భారత్ ఆతిథ్యంలో 71వ ఎడిషన్ ‘మిస్ వరల్డ్’ పోటీలు జరుగుతున్నాయి. శనివారం విజేతను ప్రకటించనున్నారు. ఈ సందర్భంగా ఈ అందాల పోటీల గురించి పలు ఆసక్తికర విశేషాలు.. -
Sini Shetty: మిస్ వరల్డ్ పోటీలు.. ‘బెస్ట్ డిజైనర్ డ్రెస్’ విజేతగా సినిశెట్టి
మిస్ వరల్డ్ 2024 పోటీల్లో భారత్కు ప్రాతినిధ్యం వహిస్తున్న సినిశెట్టి గురించి ఆసక్తికర విశేషాలివీ.. -
Movies in March: మార్చిలో మురిపించే చిత్రాలు.. వరుణ్ తేజ్ అలా.. ‘టిల్లు’ ఇలా!
మార్చిలో విడుదల కానున్న సినిమాలపై ప్రత్యేక కథనం. ఏ హీరో చిత్రం ఏ రోజు ప్రేక్షకుల ముందుకు రానుందంటే? -
Valentine Day: వాలంటైన్స్ డేకు రీరిలీజ్ కానున్న ప్రేమకథా చిత్రాలివే..
వాలంటైన్స్ డే సందర్భంగా గతంలో అలరించిన ప్రేమ కథాచిత్రాలు మరోసారి వినోదాన్ని పంచేందుకు సిద్ధమయ్యాయి. -
తొలి సినిమా ఫ్లాప్.. ‘బండమొహం వీడేం హీరో’ అన్నారు.. రీల్ కెరీర్ To పొలిటికల్ ఎంట్రీ.. విజయ్ లైఫ్ జర్నీ ఇదే!
Actor vijay: తల్లిదండ్రులకు సినీ నేపథ్యం ఉన్నా, నటుడిగా తనకంటూ తమిళనాట గుర్తింపు తెచ్చుకున్న విజయ్.. రాజకీయాల్లోకి అడుగు పెట్టారు. ఈ క్రమంలో ఇప్పటివరకూ ఆయన లైఫ్ జర్నీ ఎలా సాగింది?