Published : 27 Apr 2022 01:24 IST

Suma Kanakala: 23 ఏళ్లుగా మా మధ్య ఎన్నో గొడవలు: సుమ

ఇంటర్నెట్‌ డెస్క్‌: తమ వైవాహిక బంధం గురించి ప్రముఖ వ్యాఖ్యాత, నటి సుమ పెదవి విప్పింది. ‘ఆలీతో సరదాగా’ కార్యక్రమ వేదికగా ఆమె మాట్లాడింది. తాను ప్రధాన పాత్ర పోషించిన ‘జయమ్మ పంచాయితీ’ చిత్రం మే 6న విడుదలవుతున్న సందర్భంగా ఈ షోకి ఆమె విచ్చేసింది. కార్యక్రమ వ్యాఖ్యాత ఆలీ అడిగిన పలు ప్రశ్నలకు సరదాగా సమాధానమిచ్చింది. విడాకుల విషయంపై తన అభిప్రాయాన్ని పంచుకుంది. ‘‘నువ్వూ రాజీవ్‌ విడిపోయారని, నువ్వొక ఇంట్లో ఉంటే తను మరో ఇంట్లో ఉంటున్నాడని గతేడాది వరకూ వార్తలొచ్చాయి’’ అని ఆలీ వివరిస్తుండగా సుమ స్పందించింది. ‘‘ఇద్దరి మధ్య గొడవలు ఉండటమనేది వాస్తవమే. 23 ఏళ్లలో మా మధ్య ఎన్నో గొడవలు. భార్యాభర్తలుగా ఉన్నప్పుడు విడాకులు తీసుకోవడం తేలిక. కానీ తల్లిదండ్రులుగా అది చాలా కష్టం’’ అని పేర్కొంది.

ఈ విషయం పక్కన పెడితే, ఈ కార్యక్రమంలో సుమ చేసిన అల్లరి అంతా ఇంతా కాదు. ఎన్నో నవ్వులు పంచే ఆలీకే పంచ్‌లు వేస్తూ కడుపుబ్బా నవ్వించింది. ‘జయమ్మ పంచాయితీ’లోని ఓ పాటను ఆలపించి, మరో పాటకు డ్యాన్స్‌ చేసి అలరించింది. తనకు ఆరుగురు అత్తయ్యలు ఉన్నారని, 13 మంది బావలు ఉన్నారని తెలిపింది. హీరోగా తమ తనయుడి ఎంట్రీ గురించి త్వరలోనే చెప్తానంది.


Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని