Surabhi 70MM: ఆసక్తికర మలుపులతో ‘సురభి 70ఎంఎం’

అనిల్‌ కుమార్‌, వినోద్‌ నాగులపాటి, ఉషాంజలి, అక్షిత, శ్లోక తదితరులు ప్రధాన పాత్రల్లో నటించిన చిత్రం ‘సురభి 70ఎంఎం’. గంగాధర వైకె అద్వైత దర్శకుడు. బాబీ ఫిలిమ్స్‌, జెఎస్‌ఆర్‌ పిక్చర్స్‌ సంయుక్తంగా నిర్మించాయి. ఈ సినిమా ఈనెల 18న ప్రేక్షకుల ముందుకు రానుంది. ఈ నేపథ్యంలోనే ఇటీవల హైదరాబాద్‌లో ప్రీరిలీజ్‌ వేడుక నిర్వహించారు. ఈ సందర్భంగా దర్శకుడు గంగాధర మాట్లాడుతూ.. ‘‘గ్రామీణ నేపథ్యంలో సాగే మంచి ఎంటర్‌టైనర్‌గా సినిమా చక్కటి వినోదాన్ని పంచిస్తుంది. కథలో ఆసక్తికర మలుపులు ఉన్నాయ’’న్నారు. ఈ సినిమాకి సంగీతం: డెన్నిస్‌ నార్టన్‌, ఛాయాగ్రహణం: శేఖర్‌, గోపాల్‌ ఎస్‌ఎస్‌వి, భరత్‌ సి కుమార్‌.