Oo Antava Mava: ‘ఊ అంటావా ఊఊ అంటావా’ వివాదం.. స్పందించిన రచయిత

చెన్నై: ‘‘ఊ అంటావా మావ.. ఊఊ అంటావా’’ ‘పుష్ప’ చిత్రంలోని ఈ పాట ఇప్పుడు యూట్యూబ్‌ని షేక్‌ చేస్తోంది. విడుదలైనప్పటి నుంచి మిలియన్లలో వ్యూస్‌ సొంతం చేసుకొని యూట్యూబ్‌ ట్రెండింగ్‌లో దూసుకెళ్తోంది. తెలుగులోనే కాకుండా ఇతర భాషల్లోనూ ఈ పాటకు ప్రేక్షకాదరణ మెండుగా ఉన్నప్పటికీ పలువురు నుంచి అభ్యంతరాలు ఎదురవుతున్నాయి. పురుషుల స్వభావాన్ని కించపరిచేలా దీనిలో లిరిక్స్ ఉన్నాయంటూ పలువురు ఆగ్రహం వ్యక్తం చేస్తున్నారు. ఈ నేపథ్యంలో తాజాగా ‘ఊ అంటావా’ పాట వివాదంపై తమిళ వెర్షన్‌ రచయిత వివేక్‌ స్పందించారు. ‘‘పాటపై కొంతమంది పురుషులు మాత్రమే అభ్యంతరం తెలిపారు. ఎక్కువశాతం మంది థియేటర్‌లో ఆ పాటను ఎంజాయ్‌ చేస్తున్నారు’’ అని అన్నారు. మరోవైపు అల్లు అర్జున్‌ సైతం ఇటీవల ‘పుష్ప’ ప్రమోషన్స్‌లో ఈ వివాదంపై స్పందించిన విషయం తెలిసిందే. ‘‘ప్రస్తుతం మనం సమాజంలో ఏదైతే చూస్తున్నామో అదే పాటలా రచించారు. అందులో ఉన్న లిరిక్స్‌ వాస్తవానికి దగ్గరగా ఉన్నాయి’’ అని తెలిపారు. ఎర్ర చందనం స్మగ్లింగ్‌ కథాంశంతో తెరకెక్కిన ఈ సినిమాలో అల్లు అర్జున్‌తో కలిసి సమంత ఈ పాటకు స్టెప్పులేశారు.

► Read latest Cinema News and Telugu News