Upasana: నాకు, రామ్‌ చరణ్‌కు ఈ సిటీ స్పెషల్.. కానీ: ఉపాసన

ఇంటర్నెట్ డెస్క్‌: తనకు, రామ్‌ చరణ్‌ (Ram Charan)కు చెన్నై నగరం ప్రత్యేకమని ఉపాసన (Upasana) తెలిపారు. అపోలో గ్రూప్స్‌ అధినేత, తన తాత ప్రతాప్‌ సి.రెడ్డి పుట్టినరోజు సందర్భంగా ‘ది అపోలో స్టోరీ’ (The Apollo Story) కామిక్‌ బుక్‌ని ఆవిష్కరించారు. దాన్ని ఆయనకు అంకితమిస్తున్నట్లు సోషల్‌ మీడియా వేదికగా తెలిపారు. అనంతరం ఓ ఇంటర్వ్యూలో పాల్గొని పలు విశేషాలు పంచుకున్నారు.

‘‘నేను ఈ నగరంలోనే పుట్టా. ఈ సిటీ నాకెంతో ఇష్టం. కానీ, నా మనసు ఎప్పుడూ హైదరాబాద్‌తోనే ఉంటుంది. రామ్‌ చరణ్‌ కూడా ఇక్కడే పుట్టారు. ఆయనకూ చెన్నై అంటే ప్రేమ. మా ఇద్దరికీ ఇది స్పెషల్‌. అటు కామినేని, ఇటు కొణిదెల కుటుంబాలపై తమిళనాడు రాష్ట్ర ప్రజలు అభిమానం చూపిస్తారు. వారందరికీ థ్యాంక్స్‌’’ 

‘‘మా తాత నాకు స్ఫూర్తి. అన్ని విషయాల్లో నన్ను సపోర్ట్‌ చేస్తారు. నా ప్రయాణంలో ఒకవేళ నేను దారి తప్పినట్లు అనిపిస్తే సలహా ఇస్తారు. అమ్మమ్మ కూడా నా బలం. రామ్‌ చరణ్‌, రానా బాల్యం నుంచి బెస్ట్‌ ఫ్రెండ్స్‌. ‘ది అపోలో స్టోరీ’ బుక్‌ గురించి చెప్పగానే రానా ముందుకొచ్చారు. మహిళా సాధికారిత గురించి అందులో ప్రస్తావించాం. నా కెరీర్‌కు ఎంత ప్రాధాన్యత ఇస్తానో, తల్లిగా నా బిడ్డకు అంతే ప్రాధాన్యత ఇస్తా’’ అని పేర్కొన్నారు.