Sumanth: సాయికుమార్‌తో సుమంత్‌.. మాంచి కిక్‌ ఇచ్చిన గేమ్‌ షో

ఇంటర్నెట్‌ డెస్క్‌: ‘ఈటీవీ’ వేదికగా ప్రేక్షకులకు మాంచి కిక్‌ ఇచ్చే గేమ్‌ షో ‘వావ్‌’. సాయికుమార్‌ వ్యాఖ్యాతగా వ్యవహరిస్తున్న ఈ కార్యక్రమానికి నటుడు సుమంత్‌, గేయ రచయిత కృష్ణ చైతన్య, కొరియోగ్రాఫర్లు అనీ మాస్టర్‌, సన్నీ విచ్చేశారు. మార్చి 1న ప్రసారం కానున్న ఈ ఎపిసోడ్‌ ప్రోమో ప్రస్తుతం నెట్టింట సందడి చేస్తోంది. ఆ విశేషాలివీ.. తమ కుటుంబం చిత్ర పరిశ్రమలో ఉన్నందుకు ఓ కారణం అక్కినేని నాగేశ్వరరావు అని సాయికుమార్‌ తెలిపారు. తాను నటించిన ‘మళ్లీ మొదలైంది’ సినిమా ఎలా ప్రారంభమైందో సుమంత్‌ చెప్పారు. ఏఎన్నార్‌ మినహా ఆ కుటుంబంలోని నటులందరికీ తాను పాటలు రాశానన్నారు కృష్ణచైతన్య. అనీ, సన్నీ ‘డీజే టిల్లు’ డ్యాన్స్‌తో అలరించారు. ‘సన్నీ దర్శకుడు అయ్యాడు’ అని సాయికుమార్‌ వివరిస్తుండగా.. ‘కొరియోగ్రాఫర్లుగా కెరీర్‌ ప్రారంభిస్తారు చివరకు దర్శకులవుతారు. అందుకే వారితో మనం మర్యాదగా నడుచుకోవాలి’ అంటూ సుమంత్‌ నవ్వులు పూయించారు.