Updated : 26 Sep 2021 10:49 IST

Amtrak train derailed: అమెరికాలో పట్టాలు తప్పిన రైలు.. ముగ్గురి మృతి

ఇంటర్నెట్‌డెస్క్‌: అమెరికాలోని మోంటానలో ఓ రైలు పట్టాలు తప్పింది. ఈ ఘటనలో ఇప్పటి వరకు కనీసం ముగ్గురు చనిపోయినట్లు లిబర్టీ కౌంటీ షరీఫ్‌ పేర్కొన్నారు. ఎంత మంది గాయపడ్డారన్న విషయాన్ని అధికారులు వెల్లడించలేదు.

అమ్‌ట్రాక్(అమెరికా జాతీయ రైల్వే)సంస్థకు చెందిన ఎంపైర్‌ బిల్డర్‌ ట్రైన్‌ 7/27 మోంటానలోని జోప్లిన్‌ వద్ద పట్టాలు తప్పింది. ఈ రైలుకు రెండు లోకోమోటీవ్‌లు, 10 బోగీలు ఉన్నాయి. ప్రమాద సమయంలో 147 మంది ప్రయాణికులు, 13 మంది  సిబ్బంది అందులో ప్రయాణిస్తున్నారు. ఈ రైలు షికాగో నుంచి సెయింట్‌ పౌల్‌కు వెళుతోంది. మోంటాన స్థానిక కాలమానం ప్రకారం శనివారం సాయంత్రం 4 గంటలకు ఈ ఘటన చోటు చేసుకొంది. ఆమ్‌ట్రాక్‌ అధికారులు, స్థానిక సిబ్బందితో కలిసి సహాయక చర్యలు చేపట్టారు.  ఈ ఘటనపై నేషనల్‌ ట్రాన్స్‌పోర్ట్‌ సేఫ్టీ బోర్డు వెంటనే దర్యాప్తు చేపట్టింది.

Read latest Nri News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని