Omicron: అమెరికా ప్రయాణం ఆంక్షల మయం

తాజా కొవిడ్‌ నిబంధనలివీ...

వాషింగ్టన్‌: ఒమిక్రాన్‌ వ్యాప్తి నేపథ్యంలో కరోనా కట్టడికి అమెరికా అధ్యక్షుడు జో బైడెన్‌ కాస్త కఠిన నిర్ణయాలే తీసుకున్నారు. విదేశాల నుంచి తిరిగొచ్చే అమెరికన్లకు వీటి వల్ల ఇబ్బందులు తప్పకపోవచ్చు! వచ్చేవారంలో ఈ కొత్త నిబంధనలు అమలవుతాయి. వీటి ప్రకారం...
- అమెరికా బయల్దేరడానికి ఒక్కరోజు ముందు చేయించున్న కొవిడ్‌ పరీక్షనే పరిగణనలోకి తీసుకుంటారు. ఇందులో నెగెటివ్‌ వచ్చినట్టు ప్రయాణికులు ధ్రువపత్రం/ఆధారాలను చూపించాలి.
- జాతి, వ్యాక్సినేషన్‌తో సంబంధం లేకుండా అమెరికన్లు సహా ప్రయాణికులందరికీ ఇది వర్తిస్తుంది.
- విమానాలు, రైళ్లు, బస్సుల్లో ప్రయాణించేవారు తప్పనిసరిగా మాస్కులను ధరించాలి. జనవరితో ముగిసే ఈ నిబంధన గడువును పొడిగిస్తారు.
- ప్రజారవాణా, పబ్లిక్‌ స్థలాల్లో మాస్కు ధరించని వారికి రూ.37 వేల నుంచి రూ.2.25 లక్షల (500-3,000 డాలర్ల) వరకూ జరిమానా విధిస్తారు.
- విదేశాల నుంచి అమెరికా చేరుకున్న అంతర్జాతీయ ప్రయాణికులకు కొవిడ్‌ పరీక్షలు నిర్వహించాలి. నెగెటివ్‌ వచ్చినా కొద్దిరోజులు క్వారంటైన్‌లో ఉండాలి