Rishabh Pant: పులి తిరిగివచ్చింది.. గర్జించడానికి సిద్ధంగా ఉంది : పంత్‌కు దిల్లీ ఘనస్వాగతం

ఇంటర్నెట్‌ డెస్క్‌ :  రోడ్డు ప్రమాదంలో గాయపడి కోలుకున్న టీమ్‌ఇండియా స్టార్‌ బ్యాటర్‌ రిషభ్‌ పంత్‌ (Rishabh Pant).. సుదీర్ఘ విరామం అనంతరం ఐపీఎల్‌ 2024(IPL 2024)తో పునరాగమనం చేయబోతున్నాడు. అతడు పూర్తి ఫిట్‌గా ఉన్నట్లు బీసీసీఐ (BCCI) ప్రకటించిన నేపథ్యంలో దిల్లీ క్యాపిటల్స్‌ (Delhi Capitals) జట్టును ముందుండి నడిపించబోతున్నాడు. ఈ నేపథ్యంలో పంత్‌కు దిల్లీ జట్టు ఘన స్వాగతం పలికింది. ‘‘పులి తిరిగివచ్చింది.. గర్జించడానికి సిద్ధంగా ఉంది. రిషభ్‌ పంత్‌కు తిరిగి స్వాగతం. నిన్ను చూసేందుకు ఇక వేచి ఉండలేం’’ అంటూ ఎక్స్‌లో అతడి ఫొటోను పంచుకుంది.

ఫస్ట్‌ దేశం కోసం ఆడాలి.. డబ్బు సంపాదన తర్వాత

పంత్‌ బ్యాటింగ్‌తో పాటు వికెట్‌ కీపింగ్‌ కూడా చేయడానికి తగ్గ ఫిట్‌నెస్‌ సాధించినట్లు బీసీసీఐ మంగళవారం ప్రకటించింది. పంత్‌ ఈసారి ఐపీఎల్‌లో ఆడటం ఖరారైనప్పటికీ.. వికెట్‌ కీపింగ్‌ చేస్తాడా లేదా అనే విషయంలో సందేహాలు ఉండేవి. బీసీసీఐ ప్రకటనతో సందిగ్ధత తొలగిపోయింది. దీంతో ఈ నెల 22 నుంచి ఆరంభమయ్యే ఐపీఎల్‌ 17వ సీజన్లో పంత్‌.. దిల్లీ క్యాపిటల్స్‌ జట్టు కెప్టెన్‌గా బాధ్యతలను నిర్వర్తించనున్నాడు. వికెట్‌ కీపింగ్‌ కూడా చేయబోతున్నాడు.

పంత్‌ గత సీజన్‌కు దూరం కావడంతో.. డేవిడ్‌ వార్నర్‌ నేతృత్వంలో దిల్లీ జట్టు పూర్తిగా నిరాశపరిచిన విషయం తెలిసిందే. వరుస ఓటములతో పాయింట్ల పట్టికలో 9వ స్థానంలో నిలిచింది. మరి పంత్‌ తిరిగి వచ్చిన నేపథ్యంలో.. ఈ సీజన్‌లో ఆ జట్టు ప్రదర్శన ఎలా ఉంటుందో చూడాలి.