ఎవరీ మెసేజ్‌ పంపింది?

ఉదయం ఫోన్‌ తెరిచారు. ‘మీకు, మీ కుటుంబ సభ్యులకు దసరా శుభాకాంక్షలు’ అనే సందేశం కనిపించింది. పంపిన వారి పేరు లేదు. నంబరు ఎవరిదో కూడా గుర్తులేదు. కానీ పరిచయమైవారే అనిపిస్తోంది. ‘మీరెవరు?’ అని మెసేజ్‌ పెడితే ఏమనుకుంటారో. ఇలాంటి పరిస్థితుల్లో అవతలివారి పేరు తెలుసుకోవటమెలా? మనకు పేమెంట్‌ యాప్‌లో ఖాతా ఉన్నట్టయితే, దాని సాయం తీసుకోవచ్చు. ఇప్పుడు చాలామంది గూగుల్‌ పే, ఫోన్‌ పే వంటి యాప్‌లతో డబ్బులు చెల్లిస్తున్నారు కదా. అవతలివారు వీటిల్లో నమోదై ఉంటే వెంటనే పేరు తెలిసిపోతుంది. మెసేజ్‌ పంపించిన వారి నంబరును కాపీ చేసి, పేమెంట్‌ యాప్‌లో పేస్ట్‌ చేస్తే పేరేంటో తెలిసిపోతుంది.