మంత్రి పెద్దిరెడ్డి ప్రసంగం ప్రారంభం కాకముందే సభ నుంచి వెనుదిరిగిన మహిళలు

అమాత్యుడి ప్రసంగం ప్రారంభం కాకముందే ఆసరా చెక్కులు పంపిణీ కార్యక్రమానికి వచ్చిన మహిళలు సమావేశ ప్రాంగణం నుంచి జారుకున్నారు. శ్రీ సత్యసాయి జిల్లా కదిరి నియోజకవర్గంలోని ఆరుమండలాల్లో మంత్రి పెద్దిరెడ్డి రామచంద్రారెడ్డి సుడిగాలి పర్యటనలో భాగంగా ఆసరా చెక్కుల పంపిణీ కార్యక్రమాలు ఏర్పాటు చేశారు. ‘మంత్రి మాట్లాడుతున్నారు కూర్చోండి’.. అంటూ వైకాపా నాయకులు విజ్ఞప్తిచేస్తున్నా మహిళలు గుంపులుగుంపులుగా కార్యక్రమం నుంచి వెళ్లిపోయారు.