ప్రభుత్వ ఉద్యోగులు కూడా అటల్ పెన్షన్ యోజన లో చేరవచ్చు. అయితే, ఈ పధకం అసంఘటిత రంగ కార్మికుల కోసం ప్రభుత్వం ప్రవేశపెట్టింది. ఇందులో గరిష్టంగా రూ. 5 వేల వరకు మాత్రమే పెన్షన్ పొందే అవకాశం ఉంది. మీరు ఎన్పీఎస్ ని ఎంచుకోవచ్చు. ఇందులో మీరు మీ వీలు ప్రకారం మదుపు చేయవచ్చు, పదవీ విరమణ నిధి తో పాటు పెన్షన్ కూడా పొందొచ్చు.

ఈక్విటీ ఫండ్స్ లో 1 ఏడాది వరకు యూనిట్స్ ఉంచి ఆ తరవాత అమ్మినట్టయితే దాని మీద దీర్ఘకాల మూలధన ఆదాయ పన్ను చెల్లించాల్సి ఉంటుంది. అయితే, రాబడి రూ. 1 లక్ష వరకు ఉన్నట్టయితే పన్ను వర్తించదు. ఆ పైన వచ్చిన రాబడి మీద మాత్రం 10 శాతం పన్ను ఉంటుంది. ఉదాహరణకి, మీ 5 ఏళ్ళ సిప్ పెట్టుబడి మొత్తం రూ. 3 లక్షలు అనుకుందాం. ఇప్పుడు మీ ఫండ్స్ విలువ రూ. 5 లక్షలు అనుకుందాం. అంటే, మీ రాబడి రూ. 2 లక్షలు. ఇందులో రూ. 1 లక్ష వరకు పన్ను ఉండదు, మిగిలిన రూ. 1 లక్ష మీద 10 శాతం, అంటే రూ. 10 వేల వరకు పన్ను చెల్లించాలి. టీడీఎస్ ఉండదు, మీరు ఆదాయ పన్ను రిటర్న్స్ దాఖలు చేసి పన్ను చెల్లించవచ్చు.

ఈ పాలసీ సరెండర్ చేయడం అనేది సరైన నిర్ణయమే. కనీసం 3 ఏళ్ళ ప్రీమియం చెల్లించారు కాబట్టి సరెండర్ చేసే అవకాశం ఉంది. గారంటీడ్ సరెండర్ ప్రకారం మీరు చెల్లించిన పూర్తి ప్రీమియం (మొదటి ఏడాది మినహాయించి) లో 30 శాతం వరకు వెనక్కి పొందొచ్చు. లేదా గారంటీడ్ సరెండర్ ప్రకారం మీ పాలసీ బీమా హామీ లో 100 శాతం వరకు పొందొచ్చు. వివరాలకు మీరు పాలసీ తీసుకున్న బ్రాంచీ ని సంప్రదించడం మేలు. బీమా హామీ కోసం మీరు టర్మ్ ప్లాన్ ఎంచుకోవచ్చు. పెట్టుబడి కోసం పీపీఎఫ్, ఎన్పీఎస్, మ్యూచువల్ ఫండ్స్ లాంటి పధకాలను మీ వీలు, అవసరం ప్రకారం ఎంచుకోవచ్చు.