ఏయ్‌ మాట్లాడకు.. నోరు మూసుకో..

గద్దించిన ఎమ్మెల్యే ముత్తంశెట్టి

విశాఖపట్నం, న్యూస్‌టుడే: మాజీ మంత్రి, భీమిలి ఎమ్మెల్యే ముత్తంశెట్టి శ్రీనివాసరావు తనను ప్రశ్నించే వారిపై విరుచుకుపడ్డారు. విశాఖపట్నం జిల్లా పద్మనాభం మండలంలో గురువారం వేర్వేరు గ్రామాల్లో జరిగిన వివిధ కార్యక్రమాల్లో ఆయన పాల్గొన్నారు. ఈ క్రమంలో తునివలస గ్రామంలో జరిగిన సభలో స్థానికులు కాలువ పనుల విషయమై ఎమ్మెల్యేను నిలదీశారు. దాన్ని ముత్తంశెట్టి జీర్ణించుకోలేక తనను ప్రశ్నించిన వ్యక్తిని ‘ఏయ్‌ మాట్లాడకు..నోరు మూసుకో..వాడిని లాక్కొని రండి..ఎగస్ట్రాలు చేస్తున్నారు’ అంటూ తీవ్ర ఆగ్రహం వ్యక్తం చేశారు. ఆయన ప్రవర్తనపై స్థానికులు అసహనం వ్యక్తం చేశారు. గతంలో మీరిచ్చిన హామీ మేరకే కాలువ ఎందుకు నిర్మించలేదని అడిగితే ఇలా మాట్లాడడం తగదంటూ ఎమ్మెల్యే తీరును తప్పుపట్టారు.