పాన్‌ చెల్లుబాటులో లేదా?

పన్ను అధికారులను సంప్రదించండి
ఎన్నారైలకు ఐటీ విభాగం సూచన

దిల్లీ: ఆధార్‌తో అనుసంధానించక పోవడం వల్ల పాన్‌ చెల్లుబాటులో లేని ప్రవాస భారతీయులు(ఎన్నారైలు) వెంటనే పన్ను అధికారులను సంప్రదించాలని ఆదాయపు పన్ను(ఐటీ) విభాగం సూచించింది. పలువురు ఎన్నారైలు తమ పాన్‌ పనిచేయడం లేదని ఫిర్యాదులు చేసిన నేపథ్యంలో ఐటీ విభాగం ట్విటర్‌లో స్పందించింది. ఎన్నారైలు/ఓవర్సీస్‌ సిటిజన్స్‌ ఆఫ్‌ ఇండియా(ఓసీఐ) వారి పాన్‌ పనిచేయకపోవడంపై ఆందోళన చెందుతున్నట్లు అందులో పేర్కొంది. ఎన్నారైలు గత మూడు మదింపు సంవత్సరాల్లో ఏదైనా ఏడాది రిటర్నులు దాఖలు చేసినా, లేదా వారి నివాస స్థితిని తెలియజేసినా దాన్ని పాన్‌కు మ్యాప్‌ చేసినట్లు తెలిపింది. తమ నివాస స్థితిని తెలియజేయని ఎన్నారైల పాన్‌లు మాత్రమే పనిచేయడం లేదని పేర్కొంది. ఇలాంటి పరిస్థితి ఎదురైన వారు తమ నివాస స్థితిని తెలియజేస్తూ సంబంధిత పన్ను మదింపు అధికారి (జేఏఓ)ని సంప్రదించాలని సూచించింది.