వైభవంగా మహా కల్యాణోత్సవం

వెల్దండ: నాగర్ కర్నూల్ జిల్లా చారకొండ మండలం సిరాసనగండ్లలో రెండో భద్రాద్రిగా పేరొందిన శ్రీసీతారామచంద్రస్వామి ఆలయంలో అంగరంగ వైభవంగా సీతారాముల మహా కల్యాణోత్సవం నిర్వహించారు. ఈ కార్యక్రమానికి ఆలయ ఛైర్మన్ డేరం రామశర్మ ప్రభుత్వ పక్షాన పట్టు వస్త్రాలు, తలంబ్రాలను సమర్పించారు. ఈ కళ్యాణోత్సవానికి వివిధ జిల్లాల నుంచి వేలాది మంది భక్తులు తరలివచ్చారు. కల్వకుర్తి, అచ్చంపేట ఎమ్మెల్యేలు కసిరెడ్డి నారాయణరెడ్డి, వంశీకృష్ణ , ఎంపీ రాములు, మాజీ ఎమ్మెల్యేలు జైపాల్ యాదవ్, గువ్వల బాలరాజ్, భాజపా, భారాస ఎంపీ అభ్యర్థులు భరత్ ప్రసాద్, ఆర్ఎస్ ప్రవీణ్ కుమార్ పాల్గొన్నారు. కల్వకుర్తి డీఎస్పీ వెంకటేశ్వర్లు ఆధ్వర్యంలో 250 మందితో పోలీస్ బందోబస్తును ఏర్పాటు చేశారు.