Lavanya Tripati: వైజాగ్‌ బీచ్‌ క్లీనింగ్‌లో లావణ్య త్రిపాఠి

హైదరాబాద్‌: తన తదుపరి ప్రాజెక్ట్‌ ‘మిస్‌ పర్ఫెక్ట్‌’ ప్రమోషన్స్‌లో భాగంగా విశాఖపట్నంలో సందడి చేశారు నటి లావణ్య త్రిపాఠి (Lavanya Tripati). జాతీయ పరిశుభ్రత దినోత్సవాన్ని పురస్కరించుకుని వైజాగ్ వాలంటీర్ అసోసియేషన్ ఆధ్వర్యంలో చేపట్టిన బీచ్‌ క్లీనింగ్‌ కార్యక్రమంలో ఆమె పాల్గొన్నారు. ఈ సందర్భంగా ఆమె మాట్లాడుతూ.. ‘‘మీ అందరితో కలిసి ఈ కార్యక్రమంలో పాల్గొనడం సంతోషంగా ఉంది. వైజాగ్ అంటే నాకెంతో ఇష్టం. ఎన్నో సూపర్‌హిట్‌ చిత్రాలను ఇక్కడే షూట్‌ చేశారు. ప్రతి ఒక్కరూ తమ ఇంటి పరిసరాలను పరిశుభ్రంగా ఉంచుకోవాలి’’ అని పిలుపునిచ్చారు. డిస్నీ + హాట్‌స్టార్‌ వేదికగా ఫిబ్రవరి 2 నుంచి ప్రసారం కానున్న ‘మిస్‌ పర్ఫెక్ట్‌’ను వీక్షించాలని కోరారు.