Ramesh Babu: ఆ వార్త విని షాకయ్యాను: చిరంజీవి

సంతాపం ప్రకటించిన ప్రముఖులు

హైదరాబాద్‌: సూపర్‌ స్టార్‌ కృష్ణ పెద్ద కుమారుడు, మహేష్‌బాబు సోదరుడు ఘట్టమనేని రమేష్‌బాబు (56) ఆకస్మిక మరణం పట్ల సినీ ప్రముఖులు తీవ్ర దిగ్భ్రాంతికి గురయ్యారు. రమేష్‌బాబు ఎంతో మంచి వ్యక్తి అంటూ ఆయనతో తమకున్న అనుబంధాన్ని గుర్తుచేసుకున్నారు. ఈ మేరకు ఆయన మృతిపట్ల సంతాపం ప్రకటిస్తూ సోషల్‌మీడియాలో ట్వీట్లు చేశారు.

‘‘రమేష్‌బాబు మరణ వార్త విని షాకయ్యాను. అది నన్ను తీవ్ర దిగ్భ్రాంతికి గురి చేసింది. కృష్ణగారు, మహేశ్‌బాబుతోపాటు కుటుంబసభ్యులందరికీ నా ప్రగాఢ సానుభూతి తెలియజేస్తున్నాను’’ - చిరంజీవి

‘‘సహృదయుడు ఘట్టమనేని రమేష్‌బాబు ఆకస్మిక మరణం గుండెల్ని కలచివేసింది. ఆయనకు ఆత్మశాంతి, పుణ్యలోక ప్రాప్తి కలగాలని ఆ దైవాన్ని ప్రార్థిస్తూ  కుటుంబసభ్యులకు ప్రగాఢ సానుభూతి తెలియజేస్తున్నాను’’ - పరుచూరి గోపాలకృష్ణ

‘‘ఘట్టమనేని రమేష్‌బాబు మరణవార్త విని దిగ్భ్రాంతికి లోనయ్యాను. ఆయన ఆత్మకు శాంతి చేకూరాలని దేవుడ్ని ప్రార్థిస్తున్నాను. ఆయన కుటుంబానికి నా ప్రగాఢ సానుభూతి తెలియజేస్తున్నా’’ - సాయిధరమ్‌ తేజ్‌