Chiranjeevi-Balakrishna: చిరు వర్సెస్ బాలయ్య.. సంక్రాంతికి ఎన్ని సార్లు పోటీపడ్డారంటే?
ఈ ఏడాది సంక్రాంతి బరిలో అగ్ర హీరోలు చిరంజీవి, బాలకృష్ణ చిత్రాలు నిలవబోతున్నాయి. గతంలో వారు నటించిన ఏయే సినిమాలు సంక్రాంతి కానుకగా వచ్చాయంటే?
ఇంటర్నెట్ డెస్క్: టాలీవుడ్ అగ్ర హీరోలైన చిరంజీవి (Chiranjeevi), బాలకృష్ణ (Balakrishna)ల చిత్రాలు ఒక్కరోజు తేడాతో విడుదలకానుండడంతో అందరి చూపు ఇప్పుడు సంక్రాంతిపైనే ఉంది. అయితే, ఈ స్టార్ హీరోలు సంక్రాంతి బరిలో నిలవడం ఇదే తొలిసారి కాదు. వీరు నటించిన పలు చిత్రాలు ముగ్గుల పండగ కానుకగా విడుదలై ప్రేక్షకులను అలరించాయి. ఆ సినిమాలేంటో, ఏయే సంవత్సరాల్లో వచ్చాయో చూసేద్దాం..
వీరసింహారెడ్డి x వాల్తేరు వీరయ్య
బాలకృష్ణ హీరోగా దర్శకుడు గోపీచంద్ తెరకెక్కించిన చిత్రం ‘వీరసింహారెడ్డి’ (Veera Simha Reddy). చిరంజీవి హీరోగా దర్శకుడు కె. బాబీ రూపొందించిన సినిమా ‘వాల్తేరు వీరయ్య’ (Waltair Veerayya). బాలయ్య చిత్రం విడుదల 2023 జనవరి 12న ఖరారు కాగా 13న ‘వాల్తేరు వీరయ్య’ వస్తుంది. ఇప్పటికే విడుదలైన ప్రచార చిత్రాలు, పాటలు రెండు సినిమాలపై ప్రేక్షకుల్లో ఆసక్తి రేకెత్తించాయి.
బాలయ్యకు బాగా కలిసొచ్చిన పేరుకావడం (సింహా), ‘అఖండ’ వంటి సూపర్హిట్ తర్వాత ఆయన నటించిన చిత్రం కావడం, ‘క్రాక్’ హిట్ తర్వాత గోపీచంద్ డైరెక్షన్ చేసింది కావడంతో ‘వీరసింహారెడ్డి’పై సినీ వర్గాల్లో భారీ అంచనాలు నమోదవుతున్నాయి. ‘వాల్తేరు వీరయ్య’పైనా అదే స్థాయిలో అంచనాలు నెలకొన్నాయి. చిరు వింటేజ్ లుక్, రవితేజ కీలక పాత్ర పోషించడం తదితర అంశాలు అందుకు కారణం. ఈ రెండు చిత్రాలకు సంబంధించిన విశేషం ఏంటంటే.. రెండింటిలోనూ హీరోయిన్ శ్రుతిహాసన్ (Shruti Haasan), రెండింటిని నిర్మించింది మైత్రీ మూవీ మేకర్స్ (Mythri Movie Makers) సంస్థే.
చిరు ‘పోరాటం’.. బాలయ్య ‘బలం’
చిరంజీవి, బాలకృష్ణ తొలిసారి సంక్రాంతి బరిలో నిలిచిన సంవత్సరం 1985. చిరు హీరోగా కె. బాపయ్య తెరకెక్కించిన ‘చట్టంతో పోరాటం’, తాతినేని ప్రసాద్ దర్శకత్వంలో బాలకృష్ణ నటించిన ‘ఆత్మబలం’ సినిమాలు ఆ ఏడాది సంక్రాంతి కానుకగా (రోజుల వ్యవధిలో) విడుదలయ్యాయి.
ఇటు మొగుడు.. అటు రాముడు
1985 తర్వాత 1987 సంక్రాంతికి చిరు, బాలయ్య చిత్రాలు ప్రేక్షకుల ముందుకొచ్చాయి. ‘దొంగమొగుడు’ (జనవరి 9) సినిమాతో చిరంజీవి, ‘భార్గవరాముడు’ (జనవరి 14)తో బాలకృష్ణ ఆ సంవత్సరం ప్రేక్షకులను పలకరించారు. ఈ రెండు చిత్రాలకు దర్శకుడు ఎ. కోదండరామిరెడ్డి కావడం విశేషం.
ఇక్కడ దొంగ.. అక్కడ పోలీసు
1988 సంక్రాంతికీ చిరు, బాలయ్య సినిమాల సందడి నెలకొంది. కె. రాఘవేంద్రరావు దర్శకత్వంలో చిరంజీవి నటించిన ‘మంచిదొంగ’ సినిమా ఆ ఏడాది జనవరి 14న విడుదలకాగా.. ముత్యాల సుబ్బయ్య దర్శకత్వంలో బాలకృష్ణ నటించిన చిత్రం ‘ఇన్స్పెక్టర్ ప్రతాప్’ జనవరి 15న వచ్చింది.
సోదర సెంటిమెంట్..
చిరంజీవి హీరోగా ముత్యాల సుబ్బయ్య తెరకెక్కించిన ‘హిట్లర్’, దర్శకుడు శరత్ దర్శకత్వంలో బాలకృష్ణ నటించిన ‘పెద్దన్నయ్య’ సినిమాలు 1997 సంక్రాంతి సీజన్కు విడుదలయ్యాయి. ఈ రెండింటిలో హీరోలు సోదర పాత్రలో కనిపిస్తారు. యాక్షన్ హీరోలు ఫ్యామిలీ డ్రామాల్లో నటించినా విజయం అందుకోవచ్చనే విషయాన్ని ఆ రెండు చిత్రాలు మరోసారి నిరూపించాయి. ఆ సంవత్సరం జనవరి 4న ప్రేక్షకుల ముందుకొచ్చిన ‘హిట్లర్’, జనవరి 10న విడుదలైన ‘పెద్దన్నయ్య’.. రెండూ ప్రేక్షకులను విశేషంగా ఆకట్టుకున్నాయి. హీరోలను విజేతలుగా నిలబెట్టాయి.
ఫ్రెండ్షిప్.. ఫ్యాక్షన్
1999 జనవరిలోనూ చిరంజీవి, బాలకృష్ణ సినిమాల మధ్య పోటీ నెలకొంది. చిరు ‘స్నేహంకోసం’ ఆ సంవత్సరం జనవరి 1న విడుదలైంది. దర్శకుడు కె. ఎస్. రవికుమార్ తెరకెక్కించిన చిత్రమిది. బాలయ్య ‘సమరసింహారెడ్డి’ జనవరి 13న విడుదలైంది. బి. గోపాల్ దర్శకుడు.
1997లో అలా.. 2000లో ఇలా
1997లో వచ్చిన ‘హిట్లర్’ కాంబో చిరంజీవి- ముత్యాల సుబ్బయ్య 2000 జనవరి 7న ‘అన్నయ్య’ సినిమాతో వచ్చింది. 1997లోని ‘పెద్దన్నయ్య’ కాంబినేషన్ బాలకృష్ణ- శరత్ 2000లో రిపీట్ అయింది. ఈ కాంబినేషన్లో తెరకెక్కిన మరో చిత్రం ‘వంశోద్థారకుడు’ 2000 జనవరి 14న విడుదలైంది. 97లో రెండు కాంబినేషన్లు విజయాన్ని అందుకున్నాయి.
ఒకేరోజు వచ్చారు..
అప్పటి వరకూ రోజుల తేడాతో పొంగల్ సీజన్కు చిరు, బాలయ్యల చిత్రాలు విడుదలవగా 2001లో ఒకేరోజు (జనవరి 11) వచ్చాయి. అవే.. ‘నరసింహనాయుడు’ (బాలకృష్ణ), ‘మృగరాజు’ (చిరంజీవి).
లక్ష్మీనరసింహా వర్సెస్ అంజి
బాలకృష్ణ హీరోగా దర్శకుడు జయంత్ సి. పరాన్జీ తెరకెక్కించిన ‘లక్ష్మీనరసింహా’, చిరంజీవి హీరోగా కోడి రామకృష్ణ తెరకెక్కించిన ‘అంజి’ చిత్రాలు 2004 సంక్రాంతి పోటీలో నిలిచాయి.
ఖైదీ వర్సెస్ శాతకర్ణి
కొన్నాళ్లు పాలిటిక్స్లో ఉన్న చిరంజీవి చిత్ర పరిశ్రమలోకి రీఎంట్రీ ఇచ్చి, నటించిన తొలి చిత్రం ‘ఖైదీ నంబర్ 150’. వి. వి. వినాయక్ దర్శకత్వం వహించిన ఈ సినిమా 2017 జనవరి 11న విడుదలై, మంచి వసూళ్లు రాబట్టింది. బాలకృష్ణ హీరోగా దర్శకుడు క్రిష్ తెరకెక్కించిన చిత్రం ‘గౌతమీపుత్ర శాతకర్ణి’. ఈ సినిమా అదే ఏడాది జనవరి 12న ప్రేక్షకుల ముందుకొచ్చి విజయాన్ని అందుకుంది.
నాన్ సంక్రాంతి సీజన్..
పండగల సీజన్ అనే కాదు చిరంజీవి, బాలకృష్ణ సినిమాలు ఒకేరోజు/వారంలో విడుదలవుతున్నాయంటే ప్రేక్షకులకు ఆసక్తే. ఆ వివరాలపై ఓ లుక్కేద్దాం..
🎥 మంగమ్మగారి మనవడు (బాలకృష్ణ)- ఇంటిగుట్టు (చిరంజీవి) : 1984 సెప్టెంబరు
🎥 కథానాయకుడు (బాలకృష్ణ)- రుస్తుం (చిరంజీవి): 1984 డిసెంబరు
🎥 కొండవీటి రాజా (చిరంజీవి): 1986 జనవరి 31.. నిప్పులాంటి మనిషి (బాలకృష్ణ): 1986 ఫిబ్రవరి 7
🎥 రాక్షసుడు (చిరంజీవి)- అపూర్వ సహోదరులు (బాలకృష్ణ): 1986 అక్టోబరు
🎥 పసివాడి ప్రాణం (చిరంజీవి)- రాము (బాలకృష్ణ): 1987 జులై
🎥 యుద్ధభూమి (చిరంజీవి)- రాముడు భీముడు (బాలకృష్ణ): 1988 నవంబరు
🎥 శ్రీ మంజునాథ (చిరంజీవి)- భలేవాడివి బాసూ! (బాలకృష్ణ): 2001 జూన్.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
యువతరం.. వైవిధ్యమే తొలి విజయం: స్టార్ నటులు మెచ్చిన యంగ్ హీరోలెవరంటే?
విభిన్న కథలను ఎంపిక చేసుకుంటూ విజయాన్ని అందుకుంటున్న యంగ్ హీరోలపై ప్రత్యేక కథనం.. -
ఎవరీ అశ్వత్థామ.. కృష్ణుడు అతడికి ఇచ్చిన శాపం ఏంటి?
ప్రభాస్ (Prabhas) కథానాయకుడిగా నాగ్ అశ్విన్ దర్శకత్వంలో రూపొందుతున్న సైన్స్ ఫిక్షన్ మూవీ ‘కల్కి 2898 ఏడీ’ (Kalki 2898 AD). ఇందులో ప్రముఖ నటుడు అమితాబ్ బచ్చన్ అశ్వత్థామగా (Ashwathama) కనిపించనున్నారు. -
ఇక్కడ ప్రభాస్, విష్ణు.. అక్కడ రజనీకాంత్, కమల్ హాసన్: వీరి చిత్రాల స్పెషల్ ఏంటంటే?
ప్రముఖ నటులు కొందరు కలిసి నటిస్తున్న చిత్రాలపై ప్రత్యేక కథనం. ఎవరెవరు ఏయే సినిమాల్లో నటిస్తున్నారంటే? -
నాయికలు ‘తెర’ పంచుకుంటే.. వినోదం పెంచినట్టే
త్వరలో విడుదల కాబోయే సినిమాలు ప్రేక్షకులకు రెట్టింపు వినోదాన్ని పంచడానికి సిద్ధమవుతున్నాయి. అందుకు కారణం ఒకే మూవీలో ఇద్దరు/ ముగ్గురు హీరోయిన్లు కలిసి నటిస్తుండటమే.. -
సీనియర్ హీరోయిన్ల జోరు ‘తగ్గేదే లే’.. ఎవరెన్ని సినిమాలతో బిజీగా ఉన్నారంటే?
టాలీవుడ్ సీనియర్ హీరోయిన్లపై ప్రత్యేక కథనం. త్రిష, నయనతార, తమన్నా.. ఇలా ఎవరెవరు ఎన్ని సినిమాలతో సందడి చేసేందుకు సిద్ధంగా ఉన్నారంటే? -
పృథ్వీరాజ్ సుకుమారన్ బెస్ట్ మూవీస్.. ఇప్పుడు ‘ఆడుజీవితం’.. ఇంతకుముందు?
పృథ్వీరాజ్ సుకుమారన్ నటించిన ఉత్తమ చిత్రాలు ఏంటంటే..? -
ఆ అవార్డు అందుకున్న తొలి వ్యక్తిని నేనే అని తెలిసి షాకయ్యా.. అల్లు అర్జున్
నటుడు అల్లు అర్జున్ (Allu Arjun) పుట్టినరోజు నేడు. ఈ సందర్భంగా ఆయనకు సంబంధించిన పలు ఆసక్తికర విశేషాలు. -
రికార్డుల్లోనూ ఫస్టే ఈ నేషనల్ క్రష్.. రష్మిక ఖాతాలో ఘనతలెన్నో!
రష్మిక పుట్టినరోజు సందర్భంగా ఆమె సొంతంచేసుకున్న కొన్ని రికార్డులను చూద్దాం.. -
రామ్ చరణ్ బర్త్డే.. ఆయన బాల్యం గురించి ఈ విశేషాలు తెలుసా..?
టాలీవుడ్ ప్రముఖ హీరో రామ్ చరణ్ పుట్టినరోజు నేడు. ఈ సందర్భంగా ఆయన గురించి కొన్ని విశేషాలు.. -
Challenging Roles: పాత్రలకు ప్రాణం పోశారు.. పృథ్వీరాజ్ సుకుమారన్ ఇలా.. విక్రమ్ అలా!
పాత్రలకు ప్రాణం పోసేందుకు మానసికంగా, శారీరకంగా ఎంతగానో శ్రమించిన నటులు, వారి సినిమాల వివరాలివీ.. -
Tollywood Actresses: అగ్ర నాయికలు అలా రూటు మార్చి.. హాట్టాపిక్గా నిలిచి!
అగ్ర కథానాయిక- వర్ధమాన హీరో కాంబినేషన్లో వచ్చిన సినిమాల విశేషాలు.. -
Actors turned Directors: ధనుష్, ఉపేంద్ర, కంగన.. మళ్లీ మరో కోణాన్ని చూపించేందుకు...
స్వీయ దర్శకత్వంలో నటించిన హీరో/హీరోయిన్పై ప్రత్యేక కథనం. ఎవరు ఏ సినిమాతో అలరించేందుకు సిద్ధమయ్యారంటే? -
Alia Bhatt: అందుకు క్లాస్లో బెంచీలు తుడిచి.. బ్యాగ్రౌండ్ ఉన్నా ఆడిషన్ ఇచ్చి: అలియా భట్ బర్త్డే స్పెషల్
అలియా భట్ పుట్టినరోజు సందర్భంగా ఆమె గురించి పలు విశేషాలు.. -
Mamitha Baiju: గిరిజ, సాయి పల్లవిలా మమితా బైజు.. రాజమౌళి మెచ్చిన ఈ నటి ఎవరు?
యంగ్ హీరోయిన్ మమితా బైజును అగ్ర దర్శకుడు ప్రశంసించడం అందరి దృష్టినీ ఆకర్షించింది. ఎవరీ నటి? -
Comedians as Heros: కమెడియన్లు.. కథానాయకులై.. ఎవరెవరు ఏ సినిమాతో అలరించారంటే?
కమెడియన్లుగా కెరీర్ని ప్రారంభించి హీరోగాను సినిమాలు చేస్తున్న నటులపై ప్రత్యేక కథనం.. -
Krystyna Pyszkova: మనిషే కాదు.. మనసూ అందమే: మిస్ వరల్డ్ క్రిస్టినా గురించి ఆసక్తికర విశేషాలివీ
ప్రపంచ సుందరి-2024 కిరీటం దక్కించుకున్న క్రిస్టినా పిస్కోవా గురించి ఆసక్తికర విశేషాలు మీకోసం.. -
Miss World Pageant: తొలుత ‘బికినీ కాంటెస్ట్’గా.. 28 ఏళ్ల తర్వాత భారత్ ఆతిథ్యం.. ‘మిస్ వరల్డ్’ పోటీల సంగతులివీ!
భారత్ ఆతిథ్యంలో 71వ ఎడిషన్ ‘మిస్ వరల్డ్’ పోటీలు జరుగుతున్నాయి. శనివారం విజేతను ప్రకటించనున్నారు. ఈ సందర్భంగా ఈ అందాల పోటీల గురించి పలు ఆసక్తికర విశేషాలు.. -
Sini Shetty: మిస్ వరల్డ్ పోటీలు.. ‘బెస్ట్ డిజైనర్ డ్రెస్’ విజేతగా సినిశెట్టి
మిస్ వరల్డ్ 2024 పోటీల్లో భారత్కు ప్రాతినిధ్యం వహిస్తున్న సినిశెట్టి గురించి ఆసక్తికర విశేషాలివీ.. -
Movies in March: మార్చిలో మురిపించే చిత్రాలు.. వరుణ్ తేజ్ అలా.. ‘టిల్లు’ ఇలా!
మార్చిలో విడుదల కానున్న సినిమాలపై ప్రత్యేక కథనం. ఏ హీరో చిత్రం ఏ రోజు ప్రేక్షకుల ముందుకు రానుందంటే? -
Valentine Day: వాలంటైన్స్ డేకు రీరిలీజ్ కానున్న ప్రేమకథా చిత్రాలివే..
వాలంటైన్స్ డే సందర్భంగా గతంలో అలరించిన ప్రేమ కథాచిత్రాలు మరోసారి వినోదాన్ని పంచేందుకు సిద్ధమయ్యాయి. -
తొలి సినిమా ఫ్లాప్.. ‘బండమొహం వీడేం హీరో’ అన్నారు.. రీల్ కెరీర్ To పొలిటికల్ ఎంట్రీ.. విజయ్ లైఫ్ జర్నీ ఇదే!
Actor vijay: తల్లిదండ్రులకు సినీ నేపథ్యం ఉన్నా, నటుడిగా తనకంటూ తమిళనాట గుర్తింపు తెచ్చుకున్న విజయ్.. రాజకీయాల్లోకి అడుగు పెట్టారు. ఈ క్రమంలో ఇప్పటివరకూ ఆయన లైఫ్ జర్నీ ఎలా సాగింది?
తాజా వార్తలు (Latest News)
-
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
-
కాళేశ్వరం ఆనకట్టలపై ఫిర్యాదులు, నివేదనలు కోరుతూ ప్రకటన జారీ
-
అమెరికా నివేదికకు విలువ లేదు.. ‘మానవ హక్కుల ఉల్లంఘన’ అంశంపై భారత్ సీరియస్
-
ఆన్లైన్లో తెగ కొనేస్తున్నారు.. తొలిసారి ₹1 లక్ష కోట్లు దాటిన క్రెడిట్ కార్డ్ వ్యయం
-
మోదీజీ.. ఆ చప్పట్లకు మోసపోకండి: ప్రధానికి ఖర్గే లేఖ
-
నా వ్యాఖ్యలను అపార్థం చేసుకోవడంతోనే సమస్య: అంబటి రాయుడు