Lokesh Kanagaraj: ఆ సీన్స్‌ తొలగింపు.. బాధపడ్డా: లోకేశ్‌ కనగరాజ్‌

ఇంటర్నెట్‌డెస్క్‌: విడుదలకు ముందే ‘లియో’ (Leo) పలు కాంట్రవర్సీలు ఎదుర్కొన్న విషయం తెలిసిందే. ముఖ్యంగా ఈ సినిమాలో కొన్ని అభ్యంతరకర సంభాషణలు ఉండటంపై పలువురు అసహనం వ్యక్తం చేశారు. ట్రైలర్‌లో వాటిని ఎందుకు మ్యూట్‌ చేయలేదంటూ నెటిజన్లు కామెంట్స్‌ చేశారు. దీనిపై  తాజాగా ఓ ఇంటర్వ్యూలో లోకేశ్‌ కనగరాజ్‌ స్పందించారు. పలు సన్నివేశాల్లో భావోద్వేగం పండటం కోసమే తాను అలాంటి పదాలను వాడానని చెప్పారు.

Alia Bhatt: అలా ప్రవర్తించడం షారుక్‌ నుంచే నేర్చుకున్నా: అలియా భట్‌

‘‘సినిమాలోని కీలక సన్నివేశాల్లో విజయ్‌.. తనలోని బాధను తెలియజేయడం కోసం కొన్ని అభ్యంతరకర పదాలు మాట్లాడతారు. ఆయా సన్నివేశాల్లో ఆ పదాలు ఉపయోగించకపోతే ఎమోషన్‌ పండదు. ఆ సంభాషణల పట్ల విజయ్‌ మొదట అనాసక్తి కనబరిచారు. అలాంటి పదాలు లేకుండా డైలాగ్‌ చెబుతా అన్నారు. కాకపోతే నేనే నచ్చజెప్పి ఒప్పించా. కాబట్టి ఆ బాధ్యత నేనే తీసుకుంటా. 18 ఏళ్లు నిండినవాళ్లు కూడా చూడలేని సీన్స్‌ ఈ సినిమాలో ఉన్నాయి. అలాంటి వాటిని తొలగించమని సెన్సార్‌ సూచించింది. అలా, కొన్ని యాక్షన్‌ సీన్స్‌ను కట్‌ చేశాం. ఆ విషయంలో నేను కాస్త నిరాశకు గురయ్యా’’ అని తెలిపారు. యాక్షన్‌ డ్రామాతో సిద్ధమైన ఈ చిత్రం అక్టోబర్‌19న విడుదల కానుంది.