Unstoppable 2: ‘దెబ్బకు థింకింగ్‌ మారిపోవాలి..’ నవ్వులు పూయిస్తున్న అన్‌స్టాపబుల్‌ లేటెస్ట్ ప్రోమో..

ఇంటర్నెట్‌ డెస్క్‌: అన్‌స్టాపబుల్‌-2(Unstoppable 2) కొత్త ప్రోమో వచ్చేసింది. ఈ షోలో తనదైన శైలిలో అలరిస్తూ.. వచ్చిన అతిథులతో సందడి చేస్తున్నారు బాలకృష్ణ(Bala krishna).  మొదటి సీజన్‌ సక్సెస్‌ కావడంతో ఇప్పుడు రెండో సీజన్‌లో మంచి జోష్‌తో ప్రేక్షకులను అలరిస్తున్నారు. సినీ ప్రియుల్ని ఎంతగానో ఆకట్టుకుంటోన్న ఈ సెలబ్రిటీ టాక్‌షోలో మూడో ఎపిసోడ్‌కు యువ హీరోలు శర్వానంద్‌, అడవి శేష్‌ హాజరయ్యారు. ‘దెబ్బకు థింకింగ్‌ మారి పోవాలి..’ లాంటి ఆసక్తికర పంచులతో ఈ ప్రోమో ఆద్యంతం నవ్వులు పూయిస్తోంది.

‘ఆయన పేరు బాలయ్య.. ఆయన ఎప్పటికీ బాలుడే..’ అని శర్వానంద్‌ చెప్పిన మాటకు స్టేజంతా చప్పట్లతో మారుమోగింది. ఇక బాలకృష్ణ కోసం రష్మికకు వీడియోకాల్‌ చేశాడు శర్వానంద్‌. ఆ హీరోయిన్‌తో ముద్దుసీన్‌లు వద్దని చెప్పాడు అడవి శేష్‌.  ‘మీరెంత చెప్పినా ఎడిటింగ్‌ ఉండేది నా చేతిలోనే’ అంటూ పంచ్‌లు వేశారు బాలకృష్ణ. ‘సెల్ఫీ అడిగితే చెంప పగల కొట్టిన హీరో ఎవరు?’ ప్రశ్నకు మరి ఈ యంగ్‌ హీరోలు ఏం సమాధానం చెప్పారు.. వీరిద్దరూ కలిసి బాలయ్యతో చేసిన సందడి ఈ ప్రోమోలో మీరు చూసేయండి.