Manchu Vishnu: పాన్‌ ఇండియా స్థాయిలో మంచు విష్ణు సినిమా.. పేరేంటంటే..?

హైదరాబాద్‌: నటుడు మంచు విష్ణు (Manchu Vishnu) తన డ్రీమ్‌ ప్రాజెక్ట్‌ను ప్రకటించారు. దీనికి సంబంధించిన పూజా కార్యక్రమం శ్రీకాళహస్తిలో జరిగింది. ఈ సినిమాకు ‘కన్నప్ప’ (kannappa) అనే టైటిల్‌ను ఖరారు చేశారు. త్వరలోనే షూటింగ్‌ ప్రారంభించనున్నట్లు వెల్లడించారు. 

‘కల్కి’లో దుల్కర్‌.. పరోక్షంగా చెప్పేశాడుగా..!

హిందీలో మహాభారతం సిరీస్‌ను రూపొందించిన ముఖేష్‌ కుమార్‌ సింగ్‌ ఈ ‘కన్నప్ప’ చిత్రానికి దర్శకత్వం వహించనున్నారు. అత్యంత భారీ బడ్జెట్‌తో పాన్‌ ఇండియా స్థాయిలో ఈ సినిమా రానుంది. ఇక దీన్ని అవా ఎంటర్‌ టైనర్స్‌, 24 ఫ్రేమ్స్‌ ఫ్యాక్టరీ పతాకంపై ప్రముఖ నటుడు మోహన్‌ బాబు (Mohan Babu) నిర్మించనున్నారు. ఇందులో మంచు విష్ణు సరసన కృతి సనన్‌ సోదరి నుపుర్‌ సనన్‌ నటిస్తున్నారు. ఈ సందర్భంగా మంచు విష్ణు మాట్లాడుతూ.. ‘‘అత్యంత భారీ బడ్జెట్‌తో, ఉన్నతమైన సాంకేతిక అంశాలతో ‘భక్త కన్నప్ప’ రూపొందిస్తున్నాం. కన్నప్ప భక్తిని ఈ సినిమాలో చూపించనున్నాం. సింగిల్‌ షెడ్యూల్‌లోనే సినిమా షూటింగ్‌ మొత్తాన్ని పూర్తి చేస్తాం. చిత్ర పరిశ్రమలో ఉన్న గొప్ప నటీనటులు ఇందులో నటించనున్నారు. దీనికి సంబంధించిన పూర్తి వివరాలు త్వరలోనే వెల్లడిస్తాం’’ అని అన్నారు. ఇక ఈ సినిమాకు పరుచూరి గోపాలకృష్ణ, బుర్ర సాయి మాధవ్‌, తోట ప్రసాద్‌ తదితరులు పనిచేస్తున్నారు.