Kannappa: ‘కన్నప్ప’ షూట్‌లోకి స్టార్‌ హీరోల ఎంట్రీ.. ఫొటో వైరల్‌

ఇంటర్నెట్ డెస్క్‌: మంచు విష్ణు హీరోగా తెరకెక్కుతోన్న చిత్రం ‘కన్నప్ప’ (Kannappa). ఎంతో ప్రతిష్టాత్మకంగా రూపొందుతోన్న ఈ సినిమాలో చాలా మంది అగ్ర నటులు నటిస్తోన్న సంగతి తెలిసిందే. ప్రస్తుతం శరవేగంగా షూటింగ్‌ జరుగుతోంది. తాజాగా ఈ చిత్రీకరణలో స్టార్‌ హీరోలు మోహన్‌ బాబు, శరత్‌ కుమార్‌లు జాయిన్ అయ్యారు. ఈ విషయాన్ని తెలుపుతూ చిత్రబృందం ఫొటోను షేర్‌ చేసింది.

‘ఇద్దరు లెజెండరీ హీరోలు షూటింగ్‌లో భాగమయ్యారు. ఎంతో ఆసక్తిగా ఎదురుచూస్తున్న ఈ అద్భుతమైన సినిమాకు వారి పవర్‌ను అందించనున్నారు. ఈ గొప్ప పురాణ కథ కోసం సిద్ధంగా ఉండండి’ అని చిత్రబృందం పేర్కొంది.  ప్రస్తుతం ఆ ఫొటో సోషల్‌ మీడియాలో షేర్‌ అవుతోంది. విష్ణు ప్రధానపాత్రలో నటిస్తోన్న ‘కన్నప్ప’లో ప్రభాస్‌-నయనతారలు శివపార్వతులుగా కనిపించనున్నారని గత కొన్ని రోజులుగా వార్తలు వస్తోన్న సంగతి తెలిసిందే. అలాగే ఇందులో మలయాళ స్టార్‌ హీరో మోహన్‌లాల్‌,  కన్నడ అగ్ర కథానాయకుడు శివరాజ్‌కుమార్‌ (Shiva Rajkumar)లు కూడా కీలకపాత్రలు పోషించనున్నారు.

ఇది వరమా లేక శాపమా: కీర్తి సురేశ్‌ అసహనం

ఇక ఈ సినిమా షూటింగ్ మొత్తం న్యూజిలాండ్‌లో ఒకే షెడ్యూల్‌లో పూర్తిచేయనున్నారు. దీని కోసం 800 మంది సిబ్బందితో 5 నెలల పాటు ఆర్ట్‌ వర్క్‌ చేయించారు. అత్యంత భారీ బడ్జెట్‌తో పాన్‌ ఇండియా స్థాయిలో రానున్న ఈ సినిమాను మోహన్‌ బాబు (Mohan Babu) నిర్మిస్తున్నారు. ఇటీవలే దీని షూటింగ్‌లో మంచు విష్ణు గాయపడ్డారు. ఆయన పూర్తిగా కోలుకున్న తర్వాత తిరిగి చిత్రీకరణలో భాగమవుతారని మోహన్ బాబు తెలిపారు.