Breaking | Feedback | ePratibha | E-PAPER | Pratibha

Dasara: సీరియస్‌ లుక్‌లో నాని.. వీడియో చూశారా..!

తరచూ కామెడీ, లవ్‌, ఫ్యామిలీ ఓరియెంటెడ్‌ కథలతో మెప్పించే హీరో నాని.. గత కొంతకాలంగా తన పంథాను మార్చుకుని విభిన్నమైన జోనర్స్‌లో సినిమాలు చేస్తోన్న సంగతి తెలిసిందే.....

Published : 20 Mar 2022 12:32 IST

హైదరాబాద్‌: తరచూ కామెడీ, లవ్‌, ఫ్యామిలీ కథలతో మెప్పించే హీరో నాని.. గత కొంతకాలంగా తన పంథాను మార్చుకుని విభిన్నమైన జోనర్స్‌లో సినిమాలు చేస్తోన్న సంగతి తెలిసిందే. ఇటీవల ‘శ్యామ్‌ సింగరాయ్‌’ వంటి ఫీల్‌గుడ్‌, సూపర్‌ నేచురల్‌ థ్రిల్లర్‌తో సక్సెస్‌ని సొంతం చేసుకున్న ఆయన నటిస్తోన్న సరికొత్త చిత్రం ‘దసరా’. శ్రీకాంత్‌ ఓదెల దర్శకుడు. కీర్తిసురేశ్‌ కథానాయిక. సింగరేణి బొగ్గు గనులున్న ప్రాంతంలోని ఒక గ్రామం నేపథ్యంలో సాగే సీరియస్‌ కథ ఇది. ఇటీవల పూజా కార్యక్రమాల అనంతరం ఈసినిమా రెగ్యులర్‌ షూట్‌ మొదలైంది. కాగా, తాజాగా ‘దసరా’ టీమ్ ఓ స్పెషల్‌ సర్‌ప్రైజ్‌ ఇచ్చింది. నాని ఫస్ట్‌ లుక్‌ పోస్టర్‌ షేర్‌ చేసింది. ఇందులో ఆయన ధరణి రోల్‌లో మునుపెన్నడూ చూడని విధంగా సీరియస్‌ లుక్‌లో కనిపిస్తున్నారు. ప్రస్తుతం చిత్రీకరణ దశలో ఉన్న ఈ సినిమా తెలుగుతోపాటు తమిళం, మలయాళం, కన్నడ, హిందీలోనూ విడుదల కానుంది. ఎస్‌ఎల్‌వీ సినిమాస్‌ పతాకంపై సుధాకర్‌ చెరుకూరి ఈ చిత్రాన్ని నిర్మిస్తున్నారు. సంతోషన్‌ నారాయణన్‌ స్వరాలు సమకూరుస్తున్నారు.

► Read latest Movies News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.