No Entry: అడవిలో సాహసం.. ప్రమాదకరమైన కుక్కల నుంచి ఎలా తప్పించుకున్నారు?

హైదరాబాద్‌: ఏనుగునైనా చంపేయగల ప్రమాదకరమైన అడవి కుక్కలు అవి. ఎస్‌ 40 అనే ఔషధంతో వాటిలో కొత్తగా వైరస్‌ కూడా పుట్టింది. దట్టమైన ఓ అడవిలో ఆ ప్రమాదకరమైన కుక్కల మధ్య చిక్కుకున్న కొద్దిమంది స్నేహితులకి ఎలాంటి అనుభవం ఎదురైంది? వాటి నుంచి తప్పించుకున్నారా లేదా? తెలియాలంటే ‘నో ఎంట్రీ’ (No Entry) చూడాల్సిందే. ఆండ్రియా జెరెమియా (Andrea Jeremiah) ప్రధాన పాత్రధారిగా నటించిన చిత్రమిది. ఆర్‌.అళగు కార్తీక్‌ దర్శకత్వం వహించారు. శ్రీధర్‌ అరుణాచలం నిర్మాత. త్వరలో తెలుగు, తమిళ భాషల్లో ఈ చిత్రం ప్రేక్షకుల ముందుకు రానుంది. ఇటీవల ట్రైలర్‌ని విడుదల చేశారు. ‘‘యాక్షన్‌ థ్రిల్లర్‌గా రూపొందిన చిత్రమిది. ఆండ్రియా చేసిన సాహసాలు ఆకట్టుకుంటాయి. ప్రతీ సన్నివేశం థ్రిల్లింగ్‌గా, రోమాలు నిక్కబొడుచుకునేలా ఉంటుంద’’ని తెలిపాయి సినీ వర్గాలు. అదవ్‌, కణ్ణదాసన్‌, రన్యరావ్‌, మానస్‌, జయశ్రీ, జాన్‌వీ తదితరులు నటించారు.