Ram Charan: మెగా అభిమానులకు గుడ్‌న్యూస్‌.. లీగ్‌ క్రికెట్‌లోకి రామ్‌చరణ్‌..!

హైదరాబాద్‌: క్రీడా రంగంలోనూ తన మార్క్‌ చూపించేందుకు సిద్ధమయ్యారు నటుడు రామ్‌చరణ్‌ (Ram Charan). ఇండియన్‌ స్ట్రీట్‌ ప్రీమియర్‌ లీగ్‌లో హైదరాబాద్‌ జట్టును ఆయన తాజాగా కొనుగోలు చేశారు. ఆదివారం ఎక్స్‌ వేదికగా ఈ విషయాన్ని అధికారికంగా ప్రకటించారు. ‘‘ఇండియన్ స్ట్రీట్ ప్రీమియర్ లీగ్‌లో హైదరాబాద్‌ టీమ్‌కు యజమానిగా వ్యవహరిస్తున్నందుకు సంతోషంగా ఉంది. ప్రతిభ, సమాజంలో స్ఫూర్తిని పెంపొందించడం, గల్లీ క్రికెట్‌ సంస్కృతిని సెలబ్రేట్‌ చేసుకోవడం కోసం ఈ వెంచర్‌ను మొదలుపెట్టా’’ అని తెలిపారు. ఈ టీమ్‌లో భాగం కావాలనుకున్న క్రీడాకారుల కోసం ఓ లింక్‌ను షేర్‌ చేసిన ఆయన.. ఆసక్తి ఉన్న వాళ్లు రిజిస్టర్‌ చేసుకోవాలని కోరారు. వర్ధమాన క్రికెట్‌ క్రీడాకారులను వెలికి తీసేందుకు ఈ టోర్నమెంట్‌ ఉపయోగపడుతుందని భారత మాజీ సెలెక్టర్‌, ఐఎస్పీఎల్‌ సెలక్షన్‌ కమిటీ హెడ్‌ జతిన్‌ పరాంజపే గతంలో తెలిపారు. వచ్చే ఏడాది మార్చి 2 నుంచి 9 వరకు ఈ మ్యాచ్‌లు జరగనున్నట్లు చెప్పారు. ముంబయి జట్టుకు అమితాబ్‌ బచ్చన్‌, బెంగళూరు టీమ్‌కు హృతిక్‌ రోషన్‌, జమ్మూ-కశ్మీర్‌ టీమ్‌కు అక్షయ్‌ కుమార్‌ యజమానులుగా వ్యవహరిస్తున్నారు.

Sriya Reddy: పవన్‌కల్యాణ్‌ గురించి ఆ విషయం నాకు తెలియదు: శ్రియారెడ్డి

సినిమాల విషయానికి వస్తే.. రామ్‌చరణ్‌ ప్రస్తుతం ‘గేమ్‌ ఛేంజర్‌’లో నటిస్తున్నారు. కార్తిక్‌ సుబ్బరాజ్‌ అందించిన కథతో శంకర్‌ ఈ చిత్రాన్ని తెరకెక్కిస్తున్నారు. పొలిటికల్‌ యాక్షన్‌ కథా చిత్రంగా ఇది సిద్ధమవుతోంది. రామ్‌చరణ్‌ ఈ చిత్రంలో ద్విపాత్రాభినయంలో కనిపించనున్నట్లు వార్తలు వస్తున్నాయి. కియారా అడ్వాణీ కథానాయిక. అంజలి, శ్రీకాంత్‌, ఎస్‌.జె.సూర్య, సునీల్‌ కీలక పాత్రల్లో కనిపించనున్నారు. తమన్‌ స్వరాలు అందిస్తున్నారు. వచ్చే ఏడాది సెప్టెంబర్‌లో ఈ చిత్రాన్ని విడుదల చేస్తామని నిర్మాత దిల్‌రాజు ఇటీవల తెలిపారు.