Tollywood: భ‌య‌పెడుతోన్న ‘ఆర్జీవీ దెయ్యం’

ఇంటర్నెట్‌ డెస్క్‌: రాజశేఖర్‌, స్వాతి దీక్షిత్‌ ప్రధాన పాత్ర‌ల్లో ప్రముఖ ద‌ర్శ‌కుడు రామ్ గోపాల్ వ‌ర్మ‌ తెర‌కెక్కించిన‌ చిత్రం ‘ఆర్జీవీ దెయ్యం’. ఏప్రిల్‌ 16న విడుద‌లై ప్రేక్ష‌కుల‌కు థ్రిల్ పంచింది. తాజాగా ఈ చిత్రంలోని ఆస‌క్తిక‌ర స‌న్నివేశం ఒక‌టి విడుద‌లైంది. కోర్టు నేప‌థ్యంలో సాగిన ఈ సీన్‌లో స్వాతి దీక్షిత్, రాజ‌శేఖ‌ర్, జెన‌ర్జీ త‌దిత‌రులు క‌నిపించారు. బోనులో నిల్చుని స్వాతి చెప్పిన డైలాగులు, దెయ్యంలా ఆమె ప‌లికించిన హావ‌భావాలు ఆకట్టుకుంటున్నాయి.‘న‌న్ను న‌మ్మని వాళ్ల‌ని చంపడానికే వ‌చ్చా’ అని మ‌గ గొంతుతో సంభాష‌ణ‌లు వినిపించిన తీరు అల‌రిస్తోంది. ఆరు నిమిషాల నిడివి ఉన్న ఈ వీడియో ఆద్యంతం ఆస‌క్తిగా సాగింది. ఇంకెందుకు ఆల‌స్యం మీరూ చూసేయండి ఆర్జీవీ దెయ్యాన్ని...