Hero: ‘ఆహా’లో అలరించనున్న ‘హీరో’

హైదరాబాద్‌: ఇతర భాషల్లో విజయవంతమైన చిత్రాలను తెలుగు ప్రేక్షకులను అందిస్తోంది ప్రముఖ ఓటీటీ వేదిక ‘ఆహా’. ఇప్పటికే పలు చిత్రాలు నెటిజన్లను ఆకర్షించాయి. కాగా, మరో కన్నడ బ్లాక్‌ బస్టర్‌ త్వరలోనే ‘ఆహా’లో విడుదల కానుంది. రిషభ్‌శెట్టి కీలక పాత్రలో భరత్‌రాజ్‌ దర్శకత్వంలో తెరకెక్కిన చిత్రం ‘హీరో’. ఈ ఏడాది మార్చిలో కన్నడ ప్రేక్షకుల ముందుకు వచ్చిన ఈ సినిమా బాక్సాఫీస్‌ వద్ద మంచి విజయాన్ని అందుకుంది. ఇప్పుడు ఈ సినిమా తెలుగులో ‘హీరో’ పేరుతోనే అలరించేందుకు సిద్ధమైంది. ‘బెల్‌బాటమ్‌’ చిత్రంతో తెలుగువారికి సుపరిచితుడైన నటుడు రిషభ్‌శెట్టి ఇందులో నటించారు. బ్లాక్‌ కామెడీ నేపథ్యంతో రూపొందించిన ఈ సినిమా జులై 24న ‘ఆహా’లో విడుదల కానుంది.