బాలీవుడ్‌లో గ్రాండ్‌ పార్టీ.. ఒకేచోట కలిసిన స్టార్‌ హీరోలు..!

ముంబయి: బాలీవుడ్‌ సీనియర్‌ స్టార్లు, యువ నటులు ఒకే చోట కలిశారు. ఇటీవల విడుదలైన ఓ సినిమా సక్సెస్‌ను గ్రాండ్‌గా సెలబ్రేట్‌ చేసుకున్నారు. వీకెండ్‌ను సరదాగా గడిపారు. దీనికి సంబంధించిన ఫొటోలు, వీడియోలు నెట్టింట వైరల్‌గా మారాయి. ఇంతకీ ఈ పార్టీ ఎవరు ఏర్పాటు చేశారు? ఎవరెవరు హాజరయ్యారంటే..?

Maanas: బిగ్‌బాస్‌ ఫేమ్‌ మానస్‌ నిశ్చితార్థం.. ఫొటోలు వైరల్‌

బాలీవుడ్‌ నటుడు సన్నీ దేఓల్‌ (Sunny Deol) నటించిన చిత్రం ‘గదర్‌ 2’ (Gadar 2). అనిల్‌ శర్మ తెరకెక్కించిన ఈ సినిమా ఆగస్టు ఆరంభంలో విడుదలై బాక్సాఫీస్‌ వద్ద భారీ వసూళ్లు రాబడుతోంది. చాలా ఏళ్ల తర్వాత సన్నీ దేఓల్‌ ఈ సినిమాతో విజయాన్ని అందుకున్నారు. ఈ విజయాన్ని తన తోటి నటీనటులతో పంచుకోవాలని సన్నీ భావించారు. ఈ మేరకు బీటౌన్‌ స్టార్స్‌ కోసం శనివారం రాత్రి ముంబయిలో గ్రాండ్‌ పార్టీ ఏర్పాటు చేశారు. సల్మాన్‌ ఖాన్‌, షారుఖ్‌ ఖాన్‌, ఆమిర్‌ ఖాన్‌, కాజోల్‌, కార్తిక్‌ ఆర్యన్‌, సారా అలీఖాన్‌, కృతిసనన్‌, జాకీష్రాఫ్‌, గౌరీ ఖాన్‌, తదితరులు ఈ వేడుకలో సందడి చేశారు. సన్నీ విజయం పట్ల వారు ఆనందం వ్యక్తం చేశారు. దాదాపు 16 ఏళ్ల తర్వాత షారుఖ్‌ - సన్నీదేఓల్‌ కలిసి కనిపించారు. ‘డర్‌’ సినిమా తర్వాత వీరి మధ్య వివాదం నెలకొన్న విషయం తెలిసిందే. ఆనాటి నుంచి వీరిద్దరూ కలిసి కనిపించలేదు.