పాకెట్లో పట్టే బుల్లి ప్రింటర్‌

ఎంచక్కా జేబులో పెట్టేసుకోవచ్చు. ఇంక్‌ నింపే బాధ లేదు. కరెంట్‌ ఇబ్బందుల్లేకుండా బ్యాటరీతోనే పని చేస్తుంది. పెరిల్‌పేజ్‌ కంపెనీ తయారు చేసిన బుల్లి ‘మినీ పాకెట్‌ థర్మల్‌ ప్రింటర్‌’ సంగతులివి. మూడు అంగుళాల చుట్టుకొలత, 1.6 అంగుళాల మందం మాత్రమే ఉంటుంది. బ్లూటూత్‌ ద్వారా ఫోన్‌కి అనుసంధానించి వాడుకోవచ్చు. రీఛార్జబుల్‌ బ్యాటరీతో పని చేస్తుంది. ఎనిమిది రంగుల్లో అందుబాటులో ఉంది. అయితే అన్ని ప్రింటర్లలోలాగా ఏ4, ఏ3 సైజు ప్రింట్లు కావాలంటే కుదరదు. థర్మల్‌ ప్రింటర్‌ పేపర్‌ రోల్స్‌తో మాత్రమే ప్రింట్లు తీసుకోగలం. 57ఎంఎం స్టిక్కర్లు, లేబుళ్లపై మాత్రమే ప్రింట్లు వస్తాయి. 200 డీపీఐ సామర్థ్యంతో ఫొటోల్నీ అచ్చు వేసుకోవచ్చు.