Updated : 10 Jun 2022 19:12 IST

Nothing Phone (1): నథింగ్ ఫోన్‌ ఎంత, ఫీచర్లేంటి, విడుదల ఎప్పుడు.. ఈ వివరాలు ఐదు పాయింట్లలో!

 

ఇంటర్నెట్‌డెస్క్‌: యూజర్లకు విభిన్నమైన ఉత్పత్తులను అందించాలనే ఉద్దేశంతో నథింగ్ (Nothing) కంపెనీ గతేడాది ట్రాన్స్‌పరెంట్ డిజైన్‌తో ఇయర్‌బడ్స్‌ను తీసుకొచ్చింది. ప్రస్తుతం ఈ కంపెనీ ట్రాన్స్‌పరెంట్ డిజైన్‌తో జూన్‌ 12 తేదీన స్మార్ట్‌ఫోన్‌ను విడుదల (Nothing Smartphone) చేయనుంది. ఈ నేపథ్యంలో ఫోన్‌ గురించి ఐదు ఆసక్తికర అంశాలు మీ కోసం..

  1. నథింగ్ ఫోన్‌ వన్‌ (Nothing Phone (1)) పేరుతో ఐఫోన్‌కు పోటీగా ఈ ఫోన్‌ను తీసుకొస్తున్నట్లు సంస్థ వ్యవస్థాపకుడు కార్ల్‌ పెయి తెలిపారు. ఆండ్రాయిడ్ 12 ఆధారిత నథింగ్‌ ఓఎస్‌తో పనిచేస్తుంది. ఈ ఫోన్‌లో ఎలాంటి ప్రకటనలు ఉండవని నథింగ్ సంస్థ తెలిపింది.  
  2. 90 హెర్జ్‌ రిఫ్రెష్‌ రేట్‌తో 6.43 అంగుళాల ఫుల్‌హెచ్‌డీ అమోలెడ్‌ డిస్‌ప్లే ఇస్తున్నారట. ఇందులో స్నాప్‌డ్రాగన్‌ 7 జెన్‌ వన్‌ ప్రాసెసర్‌ను ఉపయోగించినట్లు టెక్‌ వర్గాలు తెలిపాయి.
  3. మొత్తం నాలుగు కెమెరాలున్నాయట. వెనుక మూడు, ముందు ఒకటి. వెనుకవైపు 50 ఎంపీ ప్రైమరీ కెమెరాతోపాటు 8 ఎంపీ, 2 ఎంపీ కెమెరాలు ఇస్తున్నారట. ముందుభాగంలో 32 ఎంపీ సెల్ఫీ కెమెరా అమర్చినట్లు సమాచారం.
  4. ఈ ఫోన్‌లో 4,500 ఎంఏహెచ్‌ బ్యాటరీ ఇస్తున్నారు. ఇది 45 వాట్ ఫాస్ట్‌ ఛార్జింగ్‌తోపాటు, వైర్‌లెస్‌ ఛార్జింగ్‌కు సపోర్ట్ చేస్తుందని తెలుస్తోంది.  
  5. 8 జీబీ ర్యామ్‌/128 జీబీ లేదా 256 జీబీ స్టోరేజ్‌ వేరియంట్లో తీసురానున్నట్లు సమాచారం. దీని ధర ₹ 35 వేల నుంచి ₹ 40 వేల మధ్య ఉంటుందని మార్కెట్‌ వర్గాల అంచనా. ఫ్లిప్‌కార్ట్‌ ద్వారా కొనుగోలు చేయొచ్చు.
Read latest Technology News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts