SCSSలో మార్పులు.. రిటైర్డ్ ఉద్యోగులకు మరిన్ని ప్రయోజనాలు అందేలా!
Senior Citizens Savings Scheme | రిటైర్డ్ ఉద్యోగులు సహా వారి జీవితభాగస్వాములకు మరిన్ని ప్రయోజనాలు కల్పించేలా ‘సీనియర్ సిటిజెన్స్ సేవింగ్స్ స్కీమ్’లో ప్రభుత్వం ఇటీవల కీలక మార్పులు చేసింది.
Senior Citizens Savings Scheme | ఇంటర్నెట్ డెస్క్: అత్యంత ఆదరణ ఉన్న చిన్న మొత్తాల పొదుపు పథకాల్లో ‘సీనియర్ సిటిజెన్స్ సేవింగ్స్ స్కీమ్ (SCSS)’ ఒకటి. ఇటీవల ప్రభుత్వం ఈ పథకంలో కొన్ని కీలక మార్పులు చేసింది. రిటైర్డ్ ఉద్యోగులు, వారి జీవిత భాగస్వాములకు మరిన్ని ప్రయోజనాలు కల్పించడమే లక్ష్యంగా సవరణలు చేసింది. ఆ మార్పులేంటో చూద్దాం..
- పదవీ విరమణ పొందిన ఉద్యోగులు ఇకపై రిటైర్మెంట్ ప్రయోజనాలు అందిన మూడు నెలల వరకు వాటిని ఎస్సీఎస్ఎస్ (SCSS)లో ఇన్వెస్ట్ చేయొచ్చు. 55 నుంచి 60 ఏళ్ల మధ్య వయసు వారికి ఇది వర్తిస్తుంది. గతంలో ఈ గడువు నెల వరకు మాత్రమే ఉండేది.
- సర్వీసులో ఉండగా మరణించిన ప్రభుత్వ ఉద్యోగుల జీవిత భాగస్వాముల ఇన్వెస్ట్మెంట్ నిబంధనలను సైతం ప్రభుత్వం మరింత సరళతరం చేసింది. 50 ఏళ్లు దాటి సర్వీసులో ఉండగా మరణించిన ఉద్యోగుల జీవితభాగస్వాములు ఇకపై తమకు అందిన ఆర్థిక పరిహారాన్ని స్కీమ్లో ఇన్వెస్ట్ చేయొచ్చు. కేంద్ర, రాష్ట్ర ప్రభుత్వ ఉద్యోగులందరికీ ఈ నిబంధన వర్తిస్తుంది.
- రిటైర్మెంట్ ప్రయోజనాల నిర్వచన పరిధిని సైతం ప్రభుత్వం విస్తరించింది. ఉద్యోగ విరమణ వల్ల అందే ప్రతి పేమెంట్ను రిటైర్మెంట్ బెనిఫిట్గానే పరిగణిస్తామని ప్రభుత్వం నోటిఫికేషన్లో స్పష్టం చేసింది. భవిష్య నిధి బకాయిలు, గ్రాట్యుటీ, ఇతర పింఛన్లు, మిగిలిపోయిన సెలవులపై అందే చెల్లింపులు, ఇన్సూరెన్స్ స్కీమ్లకు సంబంధించిన పొదుపులు, ఎక్స్గ్రేషియా.. ఇలా అన్నీ రిటైర్మెంట్ ప్రయోజనాల కిందకే వస్తాయని తెలిపింది. వీటన్నింటినీ ఎస్సీఎస్ఎస్ (SCSS)లో ఇన్వెస్ట్ చేయొచ్చని పేర్కొంది.
- ముందస్తు ఉపసంహరణ నిబంధనలను సైతం ప్రభుత్వం కఠినతరం చేసింది. ఎస్సీఎస్ఎస్ (SCSS)లో డిపాజిట్ చేసిన ఏడాదిలోపు ఉపసంహరించుకుంటే.. మొత్తం నుంచి ఒకశాతం రుసుము కింద వసూలు చేస్తారు. ఇంతకు ముందు కేవలం వడ్డీ మాత్రమే తిరిగి తీసుకొని.. డిపాజిట్ మొత్తాన్ని ఇచ్చేసేవారు.
- ఎస్సీఎస్ఎస్ (SCSS) పొడిగింపుపై ఉన్న పరిమితిని ప్రభుత్వం పొడిగించింది. ఖాతాదారులు ఇకపై మూడేళ్ల చొప్పున ఎన్నిసార్లైనా స్కీమ్ను పొడిగించుకునే వీలుంది. ప్రతిసారి దరఖాస్తు సమర్పించాల్సి ఉంటుంది. గతంలో కేవలం ఒకసారి మాత్రమే పొడిగింపునకు అవకాశం ఇచ్చేవారు. స్కీమ్ మెచ్యూరిటీ తేదీ నాటికి ఉన్న వడ్డీరేటునే డిపాజిట్పై వర్తింపజేస్తారు.
- ఖాతా తెరిచే సమయంలో డిపాజిట్ చేసిన మొత్తాన్ని మాత్రమే కాలపరిమితి ముగిసిన తర్వాత చెల్లిస్తారు. మధ్యలో అదనపు మొత్తాన్ని జమ చేయడానికి అవకాశం ఉండదు. స్కీమ్ను పొడిగించుకునే సమయంలోనూ అదనపు మొత్తాన్ని డిపాజిట్ చేసే వీలుండదు. ఒకవేళ అలా చేయాలనుకుంటే నిబంధనల ప్రకారం.. కొత్త అకౌంట్ను తెరిచి గరిష్ఠ పరిమితి మేరకు డిపాజిట్ చేయాల్సి ఉంటుంది.
ప్రస్తుత నిబంధనల ప్రకారం.. ఎస్సీఎస్ఎస్ (SCSS)లో రూ.30 లక్షల వరకు డిపాజిట్ చేయొచ్చు. 2023 బడ్జెట్లో దీన్ని ప్రకటించారు. ఒకవేళ ఖాతాదారులు మరణిస్తే.. జీవితభాగస్వామి దాన్ని కొనసాగించొచ్చు. ప్రస్తుతం ఈ స్కీమ్పై 8.2 శాతం వడ్డీ లభిస్తోంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అప్పు చేసి ఇల్లు కొంటున్నారా?
సొంతిల్లు.. ప్రతి ఒక్కరి కల. దీన్ని నిజం చేసుకునే క్రమంలో గృహరుణం తీసుకుంటాం. తొలిసారి ఇల్లు కొనుగోలు చేస్తున్నవారూ.. ఇప్పటికే ఉన్నదాన్ని మార్చి, పెద్దది తీసుకోవాలనుకున్నా. -
క్రెడిట్ కార్డు.. ఇలా తీసుకుందాం
క్రెడిట్ కార్డులు మన రోజువారీ ఆర్థిక లావాదేవీల్లో ఒక భాగం అయ్యాయి. ఇప్పుడు యూపీఐ ఆధారిత చెల్లింపుల కోసమూ వీటిని ఉపయోగించుకునేందుకు వీలవుతోంది. -
క్రెడిట్ కార్డు రుణం ఎప్పుడు తీసుకోవడం మేలు?
అత్యవసర పరిస్థితిల్లో క్రెడిట్ కార్డు మెరుగైన ఆర్థిక రక్షణ ఇస్తుంది. ఎలాంటి ఇబ్బందులు ఎదురైనప్పుడు క్రెడిట్ కార్డు ఉపయోగించి తాత్కాలికంగా ఆర్థిక రక్షణ పొందొచ్చో ఇక్కడ చూద్దాం. -
ఎస్బీఐ కార్డు నుంచి 3 ట్రావెల్ క్రెడిట్ కార్డులు.. ప్రయోజనాలివే..!
SBI Credit Card: ఎస్బీఐ కార్డు విమాన ప్రయాణికుల కోసం మూడు ప్రత్యేక క్రెడిట్ కార్డులను తీసుకొచ్చింది. వాటిలోని ప్రయోజనాలు, ఫీజుల వివరాలు ఎలా ఉన్నాయో చూద్దాం..! -
ఉత్పత్తి రంగంలో మదుపు
దేశీయ వినియోగం, ఎగుమతులు పెరుగుతున్న నేపథ్యంలో మన దేశంలో ఉత్పత్తి రంగం గతంలో ఎన్నడూ లేనంత అధిక వృద్ధిని నమోదు చేయబోతోంది. -
ప్రయాణంలో తోడుగా..
ప్రయాణాలు చేసే వారికి ఉపయోగపడేలా ఎస్బీఐ కార్డ్ కొత్త క్రెడిట్ కార్డును తీసుకొచ్చింది. ఎస్బీఐ కార్డ్ మైల్స్ ఎలైట్, ఎస్బీఐ కార్డ్ మైల్స్ ప్రైమ్, ఎస్బీఐ కార్డ్ మైల్స్ పేర్లతో మూడు రకాలుగా అందిస్తోంది. -
ఐసీఐసీఐ, యెస్ బ్యాంక్లో మే 1 నుంచి కొత్త సర్వీస్ ఛార్జీలు!
Bank charges: సేవింగ్స్ ఖాతాకు సంబంధించిన పలు సేవలపై విధించే ఛార్జీలను ఐసీఐసీఐ, యెస్ బ్యాంకులు సవరించాయి. మే 1 నుంచి ఇవి అమల్లోకి రానున్నాయి. -
ఆర్డీలపై వివిధ బ్యాంకులు ఆఫర్ చేసే వడ్డీ రేట్లు ఇవే..
దేశంలో దాదాపు అన్ని బ్యాంకులు రికరింగ్ డిపాజిట్ అందిస్తున్నాయి. ఈ ఆర్డీలపై వివిధ బ్యాంకుల్లో వడ్డీ రేట్లు ఎంతెంత ఉన్నాయో ఇక్కడ చూడండి. -
వాలెట్ డబ్బుతోనూ యూపీఐ చెల్లింపులు
రోజువారీ జీవితంలో యూపీఐ (యూనిఫైడ్ పేమెంట్స్ ఇంటర్ఫేస్) అంతర్భాగంగా మారింది. ఎన్పీసీఐ చొరవతో ఎన్నో సంస్థలు ఇప్పుడు ఈ సేవలను అందిస్తున్నాయి. -
గృహ రుణాలపై బ్యాంకులు వసూలు చేసే వడ్డీ రేట్లు ఇవే..
మెరుగైన క్రెడిట్ స్కోరు ఉన్నవారికి, ఇంటి రుణాలపై వివిధ బ్యాంకులు వసూలు చేసే వడ్డీ రేట్లను ఇక్కడ చూడొచ్చు. -
క్రెడిట్ కార్డు బాధ్యతగా వాడండి
మీ జేబులో ఉన్న క్రెడిట్ కార్డు.. ఒక అద్భుతమైన ఆర్థిక సాధనం. చేతిలో డబ్బు లేకపోయినా కొనుగోళ్లకు ఇబ్బంది లేకుండా ఇది ఉపయోగపడుతుంది. దీన్ని మీరు సరైన మార్గంలో ఉపయోగిస్తే.. అది మీ కోసం ఎన్నో పనులు చేస్తుంది. -
ఎఫ్డీ రేట్లు పెంచిన బజాజ్ ఫైనాన్స్.. వారికి 8.85% వరకు వడ్డీ
బజాజ్ ఫైనాన్స్ ఫిక్స్డ్ డిపాజిట్లపై వడ్డీ రేట్లు పెంచింది. సీనియర్ సిటిజన్లకు గరిష్ఠంగా 8.85 శాతం, సాధారణ పౌరులకు 8.6 శాతం వడ్డీ అందిస్తోంది. -
‘అమృత్ కలశ్’ గడువు మరోసారి పెంపు.. ఎప్పటి వరకంటే?
SBI news: స్టేట్ బ్యాంక్ ఆఫ్ ఇండియా తన ‘అమృత్ కలశ్’ డిపాజిట్ పథకం గడువును మరోమారు పొడిగించింది. -
విదేశీ విద్యా రుణాలు, వివిధ అంశాల గురించి తెలుసుకోండి?
విద్యార్థులు విదేశీ చదువుకు..రుణ సంస్థల నుంచి పొందే ఆర్థిక సహాయంతో పాటు కొన్ని ముఖ్యమైన ఇతర అంశాల గురించి తెలుసుకోవాలి, అవేంటో ఇక్కడ చూడండి. -
రుణాలు.. తొందరగా తీర్చేద్దాం
అవసరానికి అప్పు చేయడం కొన్నిసార్లు తప్పకపోవచ్చు. తీసుకున్న రుణాన్ని తొందరగా తీర్చేయడమే ఆర్థిక క్రమశిక్షణ. వ్యక్తిగత రుణాలు, క్రెడిట్ కార్డులు.. ఇలా సులభంగా రుణం దొరికే మార్గాలున్న రోజుల్లో మన వద్ద లేని డబ్బును ఖర్చు చేసేప్పుడు ఆలోచించాల్సిందే. -
రూపే కార్డు వాడుతున్నారా? యూపీఐ యాప్ ద్వారా ఇక EMIగా మార్చుకోవచ్చు!
రూపే క్రెడిట్ కార్డు వాడుతున్న వారికి కొత్త ఫీచర్లు అందుబాటులోకి రానున్నాయి. యూపీఐ యాప్లో త్వరలో కొన్ని కొత్త ఫీచర్లు పలకరించబోతున్నాయి. -
బ్యాంకుల్లో లేటెస్ట్ ఫిక్స్డ్ డిపాజిట్ వడ్డీ రేట్లు ఇవే!
చాలా ప్రభుత్వ, ప్రైవేట్ రంగ బ్యాంకులు ఫిక్స్డ్ డిపాజిట్లపై ఆకర్షణీయమైన వడ్డీ రేట్లను అందజేస్తున్నాయి. -
డెబిట్ కార్డు ఛార్జీలను పెంచిన ఎస్బీఐ
డెబిట్ కార్డులపై నిర్వహణ ఛార్జీలను ప్రభుత్వ రంగ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా (ఎస్బీఐ) సవరించింది. కొత్త ఛార్జీలు ఏప్రిల్ 1 నుంచి అమల్లోకి రానున్నాయి. -
అనధికారిక లావాదేవీలపై యూజర్ల ఆందోళన.. స్పందించిన యాక్సిస్ బ్యాంక్
యాక్సిస్ బ్యాంకు కస్టమర్లు కొందరు తమ క్రెడిట్ కార్డుల్లో అనధికారిక లావాదేవీలు జరుగుతున్నట్లు సామాజిక మాధ్యమాల్లో పోస్టులు పెడుతున్నారు. దీనిపై బ్యాంక్ స్పందించింది. -
Flash Pay: కీ చైన్తో పేమెంట్స్.. ఫెడరల్ బ్యాంక్ నుంచి ఫ్లాష్ పే
Federal Bank flash pay: ఫెడరల్ బ్యాంక్ స్మార్ట్ కీ చైన్ను తీసుకొచ్చింది. కాంటాక్ట్ లెస్ పేమెంట్ల కోసం దీన్ని వినియోగించుకోవచ్చు. -
పిల్లల పేరిట ఎఫ్డీ
పెట్టుబడికి రక్షణ, రాబడికి హామీ ఉన్న పథకాల్లో ఫిక్స్డ్ డిపాజిట్లు (ఎఫ్డీ) ముందుంటాయి. పిల్లల చదువులు, ఇతర అవసరాల కోసం పెట్టుబడి పెట్టాలనుకుంటున్న తల్లిదండ్రులు వీటికి ప్రాధాన్యం ఇస్తుంటారు
తాజా వార్తలు (Latest News)
-
గిల్ ఇంకా నేర్చుకోవాలి.. నాయకత్వ పటిమ అద్భుతం: డేవిడ్ మిల్లర్
-
నిజ్జర్ హత్య కేసు.. నిందితుల అరెస్టుపై స్పందించిన ట్రూడో
-
ఇది రజనీకాంత్ స్టైల్ మూవీ కాదు: రానా ఆసక్తికర వ్యాఖ్యలు
-
‘ఆఫ్టర్ 9’ పబ్పై దాడి.. 160 మందిని అదుపులోకి తీసుకున్న పోలీసులు
-
మ్యాక్సీ ఆటతీరుపై కామెంట్.. పార్థివ్కు తప్పని బాడీ షేమింగ్
-
దండంతో సరి.. హామీలు మరిచారేం మరి.. స్థానిక సమస్యలపై మాట్లాడని జగన్